MƏZƏNNƏLƏR

QAYNAR XƏBƏRLƏR

chess

“Shamkir Chess-2017”də səkkizinci tura yekun vurulub

Aprelin 29-da Vüqar Həşimovun xatirəsinə həsr olunan “Shamkir Chess-2017” beynəlxalq şahmat turnirinin səkkizinci turunun oyunları keçirilib.

“Synergy Group” tərəfindən təşkil olunan yarışın səkkizinci turunda turnirin lideri, Azərbaycan şahmatçısı Şəhriyar Məmmədyarov Polşa təmsilçisi Radoslav Voytaşekə məğlub olub. Turnirdəki digər təmsilçimiz Teymur Rəcəbovun Uesli So (ABŞ) ilə görüşü heç-heçə nəticələnib.

Bu turda Rusiya təmsilçiləri qələbə qazanıblar. Vladimir Kramnik İngiltərə təmsilçisi Maykl Adamsı, Sergey Karyakin isə ukraynalı Pavel Elyanovu məğlub edib.

Bolqarıstanlı Veselin Topalov ilə Hindistan şahmatçısı Pentala Harikrişna arasındakı partiya heç-heçə başa çatıb.

Səkkizinci turda məğlub olmasına baxmayaraq, Ş.Məmmədyarov turnir cədvəlində vahid liderliyi davam etdirir. Şahmatçımızın aktivində 5 xal var. U.So ikinci, V.Topalov isə üçüncü sıradadır. Hər iki şahmatçı 4,5 xal toplayıb. Onlardan yarım xal az toplayan S.Karyakin, V.Kramnik, R.Voytaşek və M.Adams müvafiq olaraq, dördüncü, beşinci, altıncı və yeddinci yerlərdə qərarlaşıblar. Sonrakı yerləri isə müvafiq olaraq, Pavel Elyanov (3,5 xal), Teymur Rəcəbov (3,5) və P.Harikrişna tuturlar.

Turnirə aprelin 30-da yekun vurulacaq.

AzərTac.Az

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top