MƏZƏNNƏLƏR

QAYNAR XƏBƏRLƏR

CESD-gence

Gəncədə, sosial siyasətin səmərəlliyi müzakirə edilib.

İqtisadi və Sosial İnkişaf Mərkəzi (CESD) Gəncə şəhərində Azərbaycanda Sosial Siyasətin Keyfiyyəti, Effektivliyi və Şəffaflığının Artırılması ilə bağlı təlim təşkil etmişdir. Təlimdə

Samux rayon icra hakimiyyətinin, Əmək və Əhalinin Sosial Müdafiəsi Nazirliyinin, Bələdiyyə, QHT, sahibkar və KİV nümayədələrinin iştirak etmişdir.

Təlimdə iqtisadçı-ekspert Rövşən Novruzov “Əhalinin məşğulluq və bu sahədə məlumatlılığının artırılması“ mövzusunda təqdimat etmişdir. O, Məşğulluq sahəsində “Peşəyönümü”, “Əmək birjaları”, “Əmək yarmarkalarının rolu”, “Kvotalar“, “Peşə hazırlığı”, “Ödənişli ictimai işlər”, “İşsizlik müavinəti” barədə təlim iştirakçılarına geniş məlumat verdi.

Təlimdə 3 fokus qrup yaradıldı və hər üç qrupa “Məşğulluq sahəsində olan çətinliklər, problemlər və təkliflər”tapşırığı verildi. Mövzu ətrafında qrup müzakirələri və təqdimatları oldu.  Demək olar ki, hər üç qrupun təqdimatı maraqla qarşılandı. Belə ki, bütün qrupların təqdimatında əliliyi olan insanların işə düzəldilməsi məsələsinin çətin olduğu,  35-dən yaşı yuxarı olan vətəndaşların işə düzəldməsi məsələsində də eyni problemin yaşandığı, əhalinin daha sıx olduğu yerlərdə əmək yarmarkalarının keçirilməsi, boş iş yerləri barədə verilən elanların düzgün çıxmaması (işə düzəlmək istəyən vətəndaş məşğulluq mərkəzi tərəfindən göndəriş alıb iş yerinə gedir və bu zaman ona artıq həmin vəzifənin tutulduğu deyilir), ali məktəblərin müdavimlərinə təyinatın verilməməsi və digər fikirlər qrupların təqdimatında yer aldı. Qrup təqdimatlarında işsiz vətəndaşlara işsizlik müavinətinin verilməsinin əlçatan olmaması, işsizlik statusunun verilməsi şərtlərinin ağır olması məsələsi də təqdimatlarda öz əksini tapdı.

 

Tədir Avropa İttifaqı  tərəfindən maliyyələşən və BMT İnkişaf Proqramının (UNDP) dəstəyi ilə İqtisadi və Sosial İnkişaf Mərkəzi (CESD) tərəfindən icra olunan Sosial İnkişaf Naminə Alyans:  Azərbaycanda Sosial Siyasətin Keyfiyyəti, Effektivliyi və Şəffaflığının Artırılması layihəsi çərçivəsində təşkil edilmişdir.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top