Bu il Balakəndə 550 hektar sahədə tütün əkiləcək
Bu il Balakən rayonunda tütün əkini sahələrinin 50 hektar artırılaraq 550 hektara çatdırılması nəzərdə tutulur. Artıq fermer təsərrüfatlarında tütün şitillərinin yetişdirilməsi məqsədilə sadə istixanaların hazırlanması işlərinə də başlanılıb. Tütün şitilləri aprelin əvvəllərində sahələrə köçürüləcək.
Economic.az bildirir ki, bu barədə AZƏRTAC-a Balakən Rayon Kənd Təsərrüfatı İdarəsinin rəisi Məmməd Şərifov məlumat verib.
Uzun fasilədən sonra ötən il Balakən rayonunda yenidən tütün əkininə başlanılıb. 2016-cı ildə rayonda 501 hektar sahədə “İtiyarpaq” və “Virciniya” tütün sortları əkilib. Balakənli fermerlər keçən il 1150 ton yaşıl tütün kütləsi və 96,3 ton quru tütün istehsal ediblər.
Azərbaycan Prezidenti tərəfindən son dövrlər tütünçülüyün inkişafı ilə bağlı həyata keçirilən davamlı və məqsədyönlü tədbirlər, bu sahəyə dövlət dəstəyinin gücləndirilməsi, tütünün satış qiymətinin artırılması balakənli fermerlərin də tütünçülüyə marağının artmasına səbəb olub.
Rayonun Talalar kəndindən olan fermer Nüsrət Əsgərov əsasən qarğıdalıçılıqla məşğul olsa da, keçən il ilk dəfə 5 hektar sahədə “Virciniya” növlü ətirli tütün əkib. Fermer bildirib ki, ötən il sahələrdən 50 ton yaşıl tütün kütləsi əldə edib. Tütünçülüklə ilk dəfə məşğul olduğundan məhsuldarlıq nisbətən zəif olub. Lakin bu, fermeri ruhdan salmayıb. O, bu il yenə də 5 hektar sahədə tütün əkməyi planlaşdırır. Fermer cari mövsümdə sahələrdən daha çox məhsul götürəcəyinə əmindir.
Qeyd edək ki, onun həmkəndlisi Elman Rəcəbov da bu il ilk dəfə 5 hektar sahədə tütün yetişdirməyi düşünür. O, bu işdə təcrübəli həmkəndlilərinə arxalanır.
BƏNZƏR MƏQALƏLƏR
-
Payızlıq əkinlərin EKTİS-də bəyan edilməsi prosesi yekun mərhələyə qədəm qoyub
Fermerlər öz payızlıq əkinlərini Elektron Kənd Təsərrüfatı İnformasiya Sistemində bəyan etməkdə davam edirlər. Əkinlərin bəyanı […]
-
“Şəhərdən Kəndə” layihəsi çərçivəsində Şamaxıda fermer təsərrüfatına dəstək göstərilib
Kənd Təsərrüfatı Nazirliyi tərəfindən “Paşa Holdinq”in dəstəyi ilə həyata keçirilən “Şəhərdən Kəndə” layihəsi çərçivəsində regionlarda […]
-
Quba-Qonaqkənd avtomobil yolu – VİDEO
Quba rayonunun Quba–Qonaqkənd avtomobil yolunun tikintisi ilə bağlı əlavə tədbirlər haqqında Prezidentin Sərəncamına əsasən, 68 min əhalinin yaşadığı 66 yaşayış məntəqəsini […]