MƏZƏNNƏLƏR
FreeCurrencyRates.com

QAYNAR XƏBƏRLƏR

Şabran və Neftçala rayonlarının daha 2 kəndinə təbii qaz verilib

ECONOMİC.AZ: SOCAR-ın “Azəriqaz” İstehsalat Birliyi respublikamızın qazlaşdırılması istiqamətində gördüyü məqsədyönlü tədbirləri uğurla davam etdirir.Uzun müddət təbii qaz almayan yaşayış məntəqələri “mavi yanacaq”la təmin olunur, qaz infrastrukturu gündən-günə inkişaf etdirilir. Mayın 6-da Neftçala və Şabran rayonlarının daha iki kəndinə təbii qaz verilmişdir. Bu münasibətlə keçirilmiş tədbirlərdə rayon icra hakimiyyətlərinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak etmişlər.

Şabran rayonunda keçirilmiş tədbirdə bildirilmişdir ki, 139 abonentlik Günəşli kəndinin yenidən qazlaşdırılması məqsədi ilə birpilləli sistem əsasında 11978 metr uzunluğunda polietilen və metal borularla daşıyıcı və məhəllədaxili qaz xətləri çəkilmiş, abonentlərin mənzillərində sayğac və fərdi tənzimləyicilər quraşdırılmışdır.

Həmin gün Neftçala rayonunun 233 abonentlik Xəzərkənd kəndinə ilk dəfə təbii qaz verilmişdir. Bununla əlaqədar keçirilmiş mərasimdə qeyd olunmuşdur ki, birpilləli sistem əsasında həyata keçirilmiş qazlaşdırma işləri zamanı 34344 metr uzunluğunda daşıyıcı və məhəllədaxili qaz xətləri çəkilmiş, hər bir abonent üçün ayrıca sayğac və fərdi tənzimləyici quraşdırılmışdır.

Tədbirlərdə çıxış edən ictimaiyyət nümayəndələri və sakinlər kəndlərə təbii qazın verilməsinə görə Azərbaycan Respublikasının Prezidenti cənab İlham Əliyevə minnətdarlıqlarını bildirmişlər.

BƏNZƏR MƏQALƏLƏR

MÜZAKİRƏ

Leave a Reply

Your email address will not be published.

This site uses Akismet to reduce spam. Learn how your comment data is processed.

Top
%d bloggers like this: