İranın Ərdəbil əyalətinin valisı Azərbaycan Sahibkarlar Konfederasiyasının prezidenti ilə görüşüb - Economic.Az
MƏZƏNNƏLƏR
FreeCurrencyRates.com

QAYNAR XƏBƏRLƏR

İranın Ərdəbil əyalətinin valisı Azərbaycan Sahibkarlar Konfederasiyasının prezidenti ilə görüşüb

İran İslam Respublikasının Ərdəbil Əyalətinin valisi Məcid Xudabəxşin başçılıq etdiyi nümayəndə heyəti  Azərbaycan Respublikası  Sahibkarlar (İşəgötürənlər)  Təşkilatları Milli Konfederasiyasının prezidenti Məmməd Musayevlə görüşüb. Economic.az Konfederasiyanın saytına istinadən bildirir ki, görüşdə Konfederasiyanın məsul şəxsləri ilə yanaşı, nümayəndə heyətinin tərkibində ölkəmizdə səfərdə olan müxtəlif sahələrdə fəaliyyət göstərən 20-dən çox iranlı iş adamı iştirak ediblər.

Görüş zamanı ASK–nın prezidenti Məmməd Musayev Azərbaycan və İran arasındakı  mehriban qonşuluq əlaqələrindən danışıb. Hər iki ölkədən olan iş adamları arasında  qarşılıqlı əməkdaşlığın yüksək səviyyədə olduğunu qeyd edən M.Musayev ölkəmizə investisiya yatırmaq arzusunda olan İran şirkətlərinin sayının çox olmasını da yüksək qiymətləndirib. Sahibkarlar arasında yeni əməkdaşlığın  yaranması üçün qarşılıqlı səfərlərin, işgüzar görüşlərin əhəmiyyətini önə çəkib. İkitərəfli ticarət əlaqələrinin genişlənməsi istiqamətində Azərbaycan Sahibkarlar Konfederasiyasının səylərini əsirgəməyəcəyini də istisna etməyib.ASK-nın prezidenti İran şirkətlərini ölkəmizdə yeni yaradılan sənaye müəssisələrində fəaliyyət göstərməyə, yerli şirkətlərlə birgə əməkdaşlığa dəvət edib.

Ərdəbil vilayətinin valisi Məcid Xudabəxş  iki ölkə arasında   iqtisadi-ticarət əlaqələrin genişlənməsində maraqlı tərəf olduqlarını qeyd edib. Məcid Xudabəxş  qeyd edib ki, İranda da  azərbaycanlı sahibkarların investisiya yatırması üçün böyük imkanlar mövcuddur.Onlara bır sıra güzəştlərin edilməsi də nəzərdə tutulub.

Görüşdə iştirak edən iranlı iş adamları da  ölkələrimizin ayrı-ayrı regionları arasında əməkdaşlığın müxtəlif istiqamətlərdə, o cümlədən qarşılıqlı sərmayə qoyuluşu, turizm və digər sahələrdə genişləndirilməsi ilə bağlı müxtəlif  suallar səsləndirib. Nümayəndə heyətini maraqlandıran məsələlər ətrafında fikir mübadiləsi aparılıb.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.

Top