Vətən mühasibəsi iştirakçı rəhbər vəzifəyə təyin edildi

“Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyevin əmri ilə Suraxanı rayonu üzrə 12 saylı İstilik Sistemləri İstismar Sahəsinə rəis təyin edilən Vətən Müharibəsi iştirakçısı Balayev Səfərəli Elçin oğlu bu gün iş kollektivinə təqdim edilib.

Səfərəli Balayev Füzuli, Cəbrayıl, Qubadlı və Laçının azad olunması istiqamətində gedən döyüşlərdə iştirak etmiş, Azərbaycan Respublikasının Prezidenti İlham Əliyev tərəfindən “Qubadlının azad olunmasına görə” medalı ilə təltif edilmişdir. Azərbaycan Neft və Sənaye Universitetinin Kimya mühəndisliyi fakültəsində ali təhsil almış Səfərəli Balayev “Azəristiliktəchizat” ASC-də çalışdığı 5 (beş) il peşakar əmək fəaliyyəti ərzində müxtəlif vəzifələrin öhdəsindən uğurla gəlmişdir.