
“Formula-1” Avropa Qran-prisinə hazırlıq işləri başa çatmaq üzrədir
İyunun 13-də mətbuat nümayəndələrinin “Formula-1” Avropa Qran-prisinin Hökumət evinin qarşısında yerləşən Paddok ərazisinə məlumat turu təşkil olunub.
Media nümayəndələri burada yaradılmış şəraitlə yaxından tanış olublar.
“Formula-1” Avropa Qran-prisinin sınaq yarışlarına iki gün qaldığını bildirən “Bakı Şəhər Halqası” Əməliyyat Şirkətinin yarış obyektinin tikintisi üzrə rəhbəri Tom Butçer heyətlərin formalaşdığını, tikintinin isə başa çatmaq üzrə olduğunu diqqətə çatdırıb.
Qeyd edib ki, bu gün axşamdan etibarən trek ərazisindəki yollar bağlanacaq. Çünki səki kənarındakı bütün tikintilər tamamlanmalıdır. Təxminən 83 yerdə yol hərəkətinin bağlanması ilə əlaqədar işlərin yekunlaşdırılması nəzərdə tutulur. 87-47 nömrəli avtomobil sabah səhər Avropa Qran-prisində iştirak edəcək yarış maşınlarını əraziyə gətirəcək. Bəzi heyətlər artıq şəhərdədir. Digərləri isə sabah gələcəklər. Ümumiyyətlə, hazırlıq işləri planımıza uyğun qaydada, vaxta tam riayət etməklə tamamlanmağa doğru gedir. Heyətlər tam gəldikdə hazırlığımız yekunlaşacaq. Artıq Bakıda olan heyətlər burada gözlədiklərindən də mükəmməl şəraitlə üzləşdiklərini bildiriblər.
T.Butçer deyib: “Bakı öz hazırlığını bütün dünyaya göstərir. Görək, dünya Bakının ona təklif etdiyini qəbul etməyə hazırdır, ya yox? Hamıda xahiş edirəm ki, yarışlara gəlsin, yürüş zamanı ölkəsini, şəhərini və bu layihəni dəstəkləsin. Trasın sonuncu yoxlanışı iyunun 15-də Beynəlxalq Avtomobil Federasiyasının nümayəndələri tərəfindən aparılacaq. Bundan sonra tras yarışa tam hazır olacaq”.
Sonra media nümayəndələri “Abşeron” tribunasında yaradılan şəraitlə tanış olublar.
Məlumat verilib ki, bu tribuna yarışın start və finiş xəttinin yaxınlığında yerləşir. Azarkeşlər idmançıların mükafatlandırılması mərasimini buradan aydın izləyə biləcəklər.
BƏNZƏR MƏQALƏLƏR
-
“ASG Helicopter Services”in helikopteri vasitəsilə ilk dəfə “Formula-1”in çəkilişi aparılıb – FOTO/VİDEO
10-12 iyun tarixlərində Bakıda keçirilən “Formula-1” Azərbaycan Qran-prisinin peşəkar aeroçəkilişi üçün ilk dəfə olaraq “ASG […]
-
“Formula 1″ə görə bağlanan küçə və prospektlərdə təhlükəsizlik baryerləri sökülür
“Formula 1” üzrə Azərbaycan Qran-prisinə görə Bakıda bağlanan küçə və prospektlərdə təhlükəsizlik baryerlərinin sökülməsinə başlanılıb. […]
-
Azərbaycan Qran-prisinə yekun vurulub – FOTOREPORTAJ
“Formula 1” və “Formula 2” üzrə Azərbaycan Qran-prisinə yekun vurulub. Yarışın sonuncu günündə “Formula 2″də […]