Ən uzun müddət çalışan bankirlər – ARAŞDIRMA

Azərbaycanın bank sektoru ümumilikdə ciddi kadr dəyişikliklərinə alışqan deyil. Düzdür, ara-sıra hansısa bankın Müşahidə Şurası və ya İdarə Heyətinin sədri dəyişir, lakin bunu mətbuatın dili ilə desək “gündəmi partladacaq bomba” adlandırmaq olmaz. Biz daha çox müavin və ya üzv səviyyəsində kadr dəyişikliyinə alışmışıq.

Economic.az APA-ya istinadən bildirir ki,  Azərbaycan banklarında uzun müddət Müşahidə Şurası və İdarə Heyəti sədri vəzifəsini tutan şəxslərlə bağlı araşdırma aparıb.

Öncədən bir zəruri qeyd aparaq ki, bəzi bankların rəhbər şəxsləri barədə nə bankın saytında, nə də digər resurslarda dolğun məlumat yoxdur.

Başlayaq Müşahidə Şurası sədri vəzifəsini tutan şəxslərdən. Burada mütləq lider “AmrahBank”ın rəhbəri Yunis İldırımzadədir. 1993-cü ildə bankı təsis edən təcrübəli  bankir həmin dövrdən banka rəhbərlik edir.

İkinci yerdə “DəmirBank”ın rəhbəri Rəhman Hacıyev qərarlaşıb. Öncədən qeyd edək ki, R. Hacıyev 1977-ci ildən bank sistemində çalışır. 1989-cu ildə “DəmirBank”ı təsis edən R. Hacıyev 1994-cü ilədək bankda İdarə Heyətinin, həmin dövrdən bu günə qədər isə Müşahidə Şurasının sədridir.

Üçüncü yerdə birdən-birə üç bankir qərarlaşıb – Çingiz Əsədullayev (“AGBank”), Elçin İsayev (“Bank of Baku”) və Rasim Poladov (“Parabank”). Hər üç şəxs 1997-ci ildən Müşahidə Şurasının sədri kimi çalışır.

İlk beşlikdə daha bir təcrübəli bankirin adına rast gəlmək olar. “Rabitəbank”ın rəhbəri Zakir Nuriyev 1998-ci ildən bankın sükanı arxasındadır. O, eyni zamanda Azərbaycan Banklar Assosiasiyasının prezidentidir.

Müşahidə Şurası sədrlərinin vəzifəyə təyin olunduğu illəri əks etdirən cədvəli təqdim edirik:

 

 

Bankın adı	Bankir	Təyinat
Amrahbank	Yunis İldırımzadə	1993
DəmirBank	Rəhman Hacıyev	1994
AGBank	Çingiz Əsədullayev	1997
Bank of Baku	Elçin İsayev	1997
Parabank	Rasim Poladov	1997
Rabitəbank	Zakir Nuriyev	1998
Muğanbank	Elmir Mehdiyev	2000
Unibank	Eldar Qəribov	2002
Zaminbank	Nadir İsmayılov	2004
Bank Respublika	Elçin Quliyev	2005
Turanbank	Fuad Musayev	2007
AtaBank	Əşrəf Kamilov	2008
Expressbank	Fəxrəddin Bağırov	2009
YapıKredi Azərbaycan	Faik Açıkalın	2009
Azərbaycan Sənaye Bankı	Zeynab Konyar	2010
AccessBank	Orhan Aytemiz	2011
Bank Silk Way	Mirsəməd Mövsümzadə	2012
Bank VTB (Azərbaycan)	Vasiliy Titov	2013
Azər Türk Bank	Famil İsmayılov	2014
Bank Avrasiya	Fuad Aslanov	2014
Bank Standard	Kamal İbrahimov	2014
Ziraat Bank Azərbaycan	Hüseyin Aydın	2014
Bank BTB	Rza Sadiq	2015
Kapital Bank	Cəlal Qasımov	2015
PAŞA Bank	Mircamal Paşayev	2015
Deka Bank	Sürəyya Ağayeva	–
Günay Bank	Mahmud Məmmədov	–
Beynəlxalq Bank	Azər Bayramov	–
KredoBank	Müşfiq Vəkilov	–
NaxçıvankBank	Vasif Kazımov	–
Xalq Bank	Asim Məmmədli	–

 

Ən uzun müddət İdarə Heyətinin sədri vəzifəsini tutan şəxs isə “Unibank”ı təmsil edən Faiq Hüseynovdur. F. Hüseynov bu vəzifəyə 2002-ci ildə təyin olunub.

İkinci yerdə “Bank Respublika”nın İdarə Heyətinin sədri Xədicə Həsənova qərarlaşıb. Xanım bankir 2006-cı ildən etibarən idarəetməni əldən vermir.

“Günay Bank” İdarə Heyətinin sədri Emin Ağayev və onun “Parabank”dan olan həmkarı Vəli Quliyev isə 2007-ci ildən bu günədək az öncə qeyd edilən vəzifəni tuturlar.

“Muğanbank”ın İdarə Heyətinin sədri Elmir Həsənov isə bu vəzifəyə 2008-ci ildə təyin olunub. Həmin ildən “Zaminbank”ın idarə olunmasına nəzarət edən Zəhra Quliyeva isə bank sektorunda rəhbər vəzifə tutan azsaylı xanımlardandır.

Bəzi maraqlı detallara toxunmasaq da olmaz. Məsələn, “DəmirBank”ın İdarə Heyətinin sədri Fərid Abuşov bu vəzifəyə yenicə təyin olunub. O təcrübəli bankir Roman Əmircanovu əvəzləyib. R. Əmircanov isə hazırda bankın Müşahidə Şurasında fəaliyyətini davam etdirir.

Bundan başqa, “Ziraat Bank (Azərbaycan)” 2014-cü ilin sonunda fəaliyyət başlayıb.

 

İdarə Heyəti sədrlərinin vəzifəyə təyin olunduğu illəri əks etdirən cədvəli təqdim edirik:

 

Bankın adı	Bankir	Təyinat (il)
Unibank	Faiq Hüseynov	2002
Bank Respublika	Xədicə Həsənova	2006
Günay Bank	Emin Ağayev	2007
Parabank	Vəli Quliyev	2007
Muğanbank	Elmir Həsənov	2008
Zaminbank	Zəhra Quliyeva	2008
Expressbank	Emin Məmmədov	2009
AccessBank	Michael Hoffmann	2012
Bank Silk Way	Elçin Əhmədov	2012
Kapital Bank	Rövşən Allahverdiyev	2013
Bank Standard	Abbas Nəsibov	2014
Bank VTB (Azərbaycan)	Yuriy Yakovlev	2014
Rabitəbank	Elçin Qədimov	2014
Ziraat Bank Azərbaycan	Avni Demirci	2014
Amrahbank	Emil Həsənov	2015
Azərbaycan Sənaye Bankı	Doğan Tandoğan	2015
Azər Türk Bank	Fərhad Adıgözəlov	2015
Bank Avrasiya	Rüfət Kərimov	2015
Bank BTB	Samir Qocayev	2015
Bank of Baku	Abbas İbrahimov	2015
Beynəlxalq Bank	Elmar Məmmədov	2015
PAŞA Bank	Taleh Kazımov	2015
YapıKredi Azərbaycan	Cenk Yüksel	2015
AGBank	Əfqan Cəlilov	2016
AtaBank	Dəyanət Quliyev	2016
DəmirBank	Fərid Abuşov	2016
Deka Bank	Niyazi Vəliyev	–
KredoBank	İlqar Məlikov	–
NaxçıvankBank	Azər Məmmədov	–
Turanbank	Nazim Sadıqov	–
Xalq Bank	Elxan Ağayev	–