Yem istehsalında artım var

Arpa biçini ilə yanaşı, bölglərdə yonca biçini də aparılır. Bu il ötən ildən məhsul bolluğuna görə fərqlənir. Otun satış qiyməti isə aşağı düşüb. Sahibkarların fikrincə bu, heyvandarlığın inkişafına müsbət təsir edəcək. Bu il Goranboyda əkinə yararlı 46 min hektar torpağın 15 min hektara yaxın sahəsində yonca, təqribən min hektarında isə yemlik qarğıdalı əkilib. Artıq ilk biçin başa çatıb. Hesablamalara görə, hər hektar yonca sahəsindən 30-40 sentner qaba yem əldə olunub. Bu da yüksək nəticə deməkdir. Buna baxmayaraq, sahibkarların yem istehsalında üzləşdikləri çətinliklər də var.
Mütəxəssislər isə deyirlər ki, yem məqsədilə əkildiyi üçün yonca sahələrində gəmiricilərlə kimyəvi mübarizə işləri qadağan olunub. Hazırda bir ot bağlamasının qiyməti ötən mövsümlə müqayisədə 50-60 qəpik aşağı, yəni 1 manat – 80 qəpik arasında dəyişir.