Sumqayıt turunun rəsmi açılış mərasimi keçirilib – FOTOLAR
Sumqayıt şəhər Mədəniyyət və Turizm idarəsinin dəstəyi və təşkilatçılığı ilə Sumqayıt turunun rəsmi açılış mərasimi keçirilib.
Tədbirə mətbuat və KİV nümayəndələri, şəhər rəhbərliyində təmsil olunan rəsmi şəxslər, şəhər ictimaiyyətinin nümayəndələri qatılıblar.
Sumqayıtın Tarixi Muzeyindən start götürən turizm marşrutu Heydər Əliyev Mərkəzini, Corat kəndini, yeni salınmış şəhər bulvarını, Şəhidlər Xiyabanını, Sumqayıt Dövlət Rəsm Qalereyasını, Bayraq meydanını əhatə edib.
Corat kəndində yerləşən Hacı Məcid hamamı (XVI əsr) və Gülxatun məscidini (XVIII əsr) ziyarət edən tur iştirakçıları yeni salınan şəhər bulvarında olub, görülən tikinti və quruculuq işləri ilə yaxından tanış olublar.
Tur iştirakçılarının Sumqayıt Dövlət Rəsm Qalereyası ilə tanışlığı da böyük maraq doğurub. Onlara qalereyanın fəaliyyəti, fondu, nümayiş olunan əsərlər haqqında ətraflı məlumat verilib. Qalereyanın qarşısında Mədəniyyət müəssisələrinin özfəaliyyət kollektivlərinin ifasında səslənən musiqi nömrələri böyük maraqla qarşılanıb.
Tur Bayraq meydanini, Heydər Əliyev abidəsini ziyarətlə yekunlaşıb.
BƏNZƏR MƏQALƏLƏR
-
Payızlıq əkinlərin EKTİS-də bəyan edilməsi prosesi yekun mərhələyə qədəm qoyub
Fermerlər öz payızlıq əkinlərini Elektron Kənd Təsərrüfatı İnformasiya Sistemində bəyan etməkdə davam edirlər. Əkinlərin bəyanı […]
-
“Şəhərdən Kəndə” layihəsi çərçivəsində Şamaxıda fermer təsərrüfatına dəstək göstərilib
Kənd Təsərrüfatı Nazirliyi tərəfindən “Paşa Holdinq”in dəstəyi ilə həyata keçirilən “Şəhərdən Kəndə” layihəsi çərçivəsində regionlarda […]
-
Quba-Qonaqkənd avtomobil yolu – VİDEO
Quba rayonunun Quba–Qonaqkənd avtomobil yolunun tikintisi ilə bağlı əlavə tədbirlər haqqında Prezidentin Sərəncamına əsasən, 68 min əhalinin yaşadığı 66 yaşayış məntəqəsini […]