Azərbaycanda çayçılığın inkişafı üçün əlverişli şərait var.

Bu sahənin inkişaf etdirilməsi ilə ölkənin daxili təlabatını ödəmək, məhsulu xarici ölkələrə ixrac etmək və maliyyə axınını yaratmaq mümkündür. Mütəxəssislər də çayçılığın inkişaf etdirilməsini məqbul hesab edirlər. Artıq ölkə başçısının xüsusi tapşırğına əsasən Azərbaycanda bu sahənin inkişafı istiqamətində konkret addımlar atılır. Bu mənada «Astaraçay» kənd təsərrüfatı müəssisəsi də çayçılığın ölkəmizdə əvvəlki şöhrətinə qaytarılması istiqamətində bir sıra vacib addımlar atır.

Qeyd edək ki, «Astaraçay» kənd təsərrüfatı müəssisəsi 2010-cu ildə yaradılıb. Sahələrdə müasir suvarma şəbəkəsi qurulub. Bu il 183 ton yaşıl yarpaq çayı emal edilib. 200 hektara qədər çəltiyin əkilməsi planlaşdırılır.