Çəkiliş zamanı Alek Bolduinin operatoru güllələməsi ilə bağlı işdə ilk hökm oxundu – FOTO
Bizim WhatsApp kanalımıza buradan abunə ola bilərsiniz
ABŞ-nin Nyu-Meksiko ştatının hakimi “Rust” (“Pas”) filminin çəkiliş meydançasında silahlara cavabdeh olan Hanna Qutyerres-Ridi ehtiyatsızlıqdan adam öldürmə ittihamı ilə 18 ay həbs cəzasına məhkum edib.
Rekvizitçi ona qarşı irəli sürülən ittihamlara görə ən yüksək cəzaya məhkum edilib. Hakim hökmü elan edərək qeyd edib ki, müttəhim çəkiliş meydançasında istifadə edilən silahlara görə məsuliyyət daşısa da, baş verənlərdən peşman olmayıb.
Məhkəmə zamanı prokurorlar Hannanın telefon zənglərini həbsxanadan dinlədiklərini bildiriblər. Onların sözlərinə görə, qadın anası və vəkilinin köməkçisi ilə söhbətində hakimləri “axmaqlar” adlandırıb.
İttihamçı tərəfin fikrincə, Hanna çəkilişdən əvvəl silahın təhlükəsizliyi yoxlanışını aparmayıb, buna görə də o, silahda altı həqiqi patronun olmasına diqqət etməyib, onları saxta silahdan fərqləndirməyib.
Hannanın vəkili isə qətldə silahdan atəş açan Alek Bolduinin günahkar olduğunu iddia edib və müvəkkilinin “günah keçisi” olduğunu deyib. Müdafiə tərəfinin dediyinə görə, aktyor setdə silahla təhlükəsiz davranma qaydalarına əməl etməyib.
Xatırladaq ki, 2021-ci ildə “Western”in çəkiliş meydançasında Bolduin hazır olan silahdan təsadüfən atəş açıb. Nəticədə operator Qalina Hançins və rejissor Coel Sousa yaralanıblar. Operatorun həyatını xilas etmək mümkün olmayıb.
Yanvar ayında Bolduinə qarşı “ehtiyatsızlıqdan adam öldürmə” ittihamı təsdiqlənib. Onun işinə cari ilin iyul ayında baxılacaq.
Mənbə: Kommersant
BƏNZƏR MƏQALƏLƏR
-
İnsan ilk dəfə okeanda sahildən ən ucqar nöqtəyə çatdı – FOTO/VİDEO
Bizim WhatsApp kanalımıza buradan abunə ola bilərsiniz 2024-cü ildə ata və oğuldan (Kris və Mik […]
-
ABŞ-də 40 ton çəkisi, 18 metr uzunluğu olan məxluqun kəlləsi tapıldı – FOTO
Bizim WhatsApp kanalımıza buradan abunə ola bilərsiniz ABŞ-nin Şimali Karolina ştatının sahillərində iki sıra əyri, […]
-
Alimlərdən ömrün uzunluğu ilə bağlı sevindirici proqnoz
Bizim WhatsApp kanalımıza buradan abunə ola bilərsiniz Alimlər əsrin ortalarına qədər gözlənilən ömür uzunluğunun nə […]