Monteneqroda onlarla insan günlərdir “yerindən qalxa bilmir” – FOTO

Balkan ölkəsi olan Monteneqronun Niksic şəhəri yaxınlığında yerləşən Brezna Etno kəndində ölkənin yumoristik ənənələrindən olan uzunmüddətli yatmaqla bağlı müsabiqə 46 gündür davam edir.

Avqustun 18-də Monteneqroda 21 iştirakçı ilə başlayan müsabiqədə indiyə qədər yerindən qalxmamağı bacaran 3 nəfər 1000 avroluq mükafat və “Ən tənbəl vətəndaş” adını almaq uğrunda mübarizə aparır.

Bu il 12-ci dəfə keçirilən qəribə müsabiqədə 46-cı günə qədəm qoyan iştirakçılar 1080 saatı geridə qoyublar.

Müsabiqə qaydalarına əsasən, iştirakçıların yuxuya getmələrinə, yemək-içmək ehtiyaclarını ödəmələrinə, kitab oxumalarına və telefondan istifadə etmələrinə icazə verildiyi halda, ayağa qalxmaları qayda pozuntusu hesab olunur.

Rəqiblər hər 8 saatdan bir şəxsi ehtiyaclarını qarşılaya bilirlər.

Mənbə: Haber Global