Maliyyə sektoru mütəxəssisləri üçün vebinarlar təşkil olunub
Azərbaycan Mərkəzi Bankı (AMB) “Maliyyə xidmətlərinin inkişafına dair Strateji Yol Xəritəsi”nin “Maliyyə bazarı iştirakçılarının bilik və bacarıqlarının artırılması” adlı hədəfi və “2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” çərçivəsində, eyni zamanda “Maliyyə savadlılığı aylığı” ilə əlaqədar iqtisadi maariflandirmə tədbirlərini davam etdirir.
Fəaliyyət planına əsasən, onlayn formatda təşkil olunan təlimlərə maliyyə-bank sektorunda çalışanlar cəlb ediliblər. Mərkəzi Bank, Azərbaycan Banklar Assosiasiyası, “Mastercard” və “Jet İnfosistemləri” ASC ilə birgə bank mütəxəssisləri üçün “PCİ DSS standartı”, “Kibertəhlükəsizlik və fırıldaqçılığa qarşı mübarizə sahələrində təqdim olunan həllər” və “Rəqəmsal iqtisadiyyat şəraitində bank biznesinin transformasiyası. Dəyər yaratmaq üçün yeni strategiyalar” mövzularında vebinarlar təşkil olunub.
Ümumilikdə, 225 mütəxəssisin iştirak etdiyi vebinarlarda müzakirələr aparılıb, iştirakçıları maraqlandıran suallar cavablandırılıb. AzərTac
BƏNZƏR MƏQALƏLƏR
-
Pulu nağdlaşdıran zaman komissiya haqqı ləğv oluna bilərmi – Ekspert rəyi
Milli Məclisdə bankomatlardan pulun nağdlaşdırılması zamanı tutulan komissiya haqqının ləğv olunması və ya az olması […]
-
Kapital Bank daha bir filialını istifadəyə verdi
Ölkənin ən geniş filial şəbəkəsinə malik olan Kapital Bank daha bir filialını istifadəyə verdi. Bu […]
-
Birbank Cashback kart sahibləri bonuslardan ayda 50 manat qazanırlar
Ölkənin ilk rəqəmsal bankı Birbank müştərilərinə bir sıra üstünlüklər verən pulsuz Birbank Cashback debet kartını […]