Dövlət Əmək Müfəttişliyi Xidməti İSO 37001 beynəlxalq standartının tətbiqinə başlayıb
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində qurumun fəaliyyətinin İSO 37001 “Antikorrupsiya idarəetmə sistemi” beynəlxalq standartının tələblərinə uyğunluğunun təmin edilməsi prosesinə başlanılıb.
Bu standart idarəetmədə şəffaflığın təminatı, korrupsiya risklərini aradan qaldırmaq üçün təlimat, prosedur və siyasət dəstəyini təmin edir. Standartın tətbiqi üçün Xidmət tərəfindən ötən ilin ortalarından mərhələli şəkildə hazırlıq işləri aparır.
İlk mərhələdə beynəlxalq təlimi başa vurmuş Xidmət əməkdaşları imtahandan keçib və “İSO 37001 standartının tətbiqi üzrə mütəxəssis” beynəlxalq sertifikatı alıblar.
Xidmət tərəfindən korrupsiya ilə mübarizə işləri çərçivəsində “Qaynar xətt” (012 525 55 45, dax: 1) yaradılıb. Vətəndaşlar Xidmətin əməkdaşlarına aid hər hansı korrupsiya hüquqpozmaları ilə rastlaşdıqları halda bu barədə həmin “Qaynar xətt”ə, həmçinin antikorrupsiya.demx@sosial.gov.az elektron ünvanına müraciət edə bilərlər.
Son mərhələdə standartın tətbiqi işləri beynəlxalq akkreditasiyaya malik təşkilat tərəfindən qiymətləndirilməklə müvafiq sertifikatla təsdiq ediləcək.
Standartın tətbiqi və sertifikatlaşdırma prosesində dəstək üçün Dövlət Əmək Müfəttişliyi Xidməti beynəlxalq idarəetmə standartları sahəsində tanınan və 2004-cü ildən Azərbaycanda fəaliyyət göstərən “Zygon Caspian Consulting” şirkəti (Böyük Britaniya) ilə əməkdaşlıq edir.
Müvafiq xidmətlərin satın alınması üçün keçən il Xidmətin qanunverciliyin tələblərinə uyğun keçirdiyi açıq və şəffaf tenderdə bu şirkət ən səmərəli və eyni zamanda aşağı qiymətə xidmət təklifinə görə qalib olub.
Aidiyyəti satınalma qurumları tərəfindən həmin tenderin icrasına nəzarət edilib və qeydiyyata alınan nəticələr də elektron portal vasitəsilə ictimaiyyətə açıqlanıb.
Dövlət Əmək Müfəttişliyi Xidməti yaxın vaxtlarda İSO 37001 standartının tətbiqi prosesini yekunlaşdırmağı nəzərdə tutur.
BƏNZƏR MƏQALƏLƏR
-
Azərbaycanda yaşayan miqrantlar və qaçqınlar üçün inteqrasiya” Proqramı çərçivəsində səfər təşkil olundu – FOTOLAR
24 may 2023-cü il tarixində Avropa İttifaqının maliyyələşdirdiyi “MOBILAZE 2” layihəsi nəzdində Miqrasiya Siyasətinin İnkişafı […]
-
Miqrasiya Siyasətinin İnkişafı üzrə Beynəlxalq Mərkəz -in MOBİLAZE 2 layihəsi çərçivəsində AUİB-nə səfər keçirildi
16 may 2023-cü il tarixində Miqrasiya Siyasətinin İnkişafı üzrə Beynəlxalq Mərkəz (MSİBM), Avropa Ittifaqı və […]
-
“ŞAGİRDLƏRİN FORUM TEATRI” LAYİHƏSİ YEKUNLAŞDI
“Şagirdlərin Forum Teatrı” – incəsənət əsaslı öyrənmə metodla məktəbdə yaradıcı mühitin inkişafı və sosial problemlərin […]