Yanvar-may aylarında Azərbaycan və Ukrayna arasında idxal-ixrac əməliyyatlarının dəyəri 388 milyon dolları keçib.

Economic-in məlumatına görə, Ukrayna Dövlət Statistika Komitəsindən AZƏRTAC-a bildirilib ki, 5 ayda Azərbaycan bu ölkəyə 207,5 milyon dollarlıq məhsul ixrac edib. Ölkəmizin Ukraynadan idxal etdiyi məhsulun dəyəri isə 180,9 milyon dollar olub.

Qeyd edək ki, Ukrayna postsovet məkanında Azərbaycanla ticarət dövriyyəsinə görə Rusiyadan sonra ikincidir. Keçən il Azərbaycan və Ukrayna arasında ticarət dövriyyəsi 808 milyon dollara çatıb.