Azərbaycanda təbii qazla təmin olunan abonentlərin sayı 2 milyonu ötüb
SOCAR-ın “Azəriqaz” İstehsalat Birliyi (İB) istehlakçıların fasiləsiz və keyfiyyətli təbii qazla təchiz olunması, yaşayış məntəqələrinin qazlaşdırılması istiqamətində fəaliyyətini ötən ildə də davam etdirib. 2016-cı il ərzində “Azəriqaz”da əhali sektoru üzrə 171 min 707 yeni abonent qeydiyyata alınıb.
“Azəriqaz” İB-nin ictimaiyyətlə əlaqələr şöbəsindən bildirilib ki, bunun 40 min 817-si Bakı, Abşeron və Sumqayıt, 130 min 890-ı isə regionlar üzrədir.
Bununla da ölkə üzrə təbii qazla təmin olunan abonentlərin sayı 2 milyon 4 min 857-yə çatıb.
2017-ci il yanvarın 1-nə olan məlumata görə, əhali sektoru üzrə 134 min 659 məcburi köçkün ailəsi dövlət tərəfindən ayrılmış limitə uyğun olaraq təbii qazla təmin olunub, qeyri-əhali sektoru üzrə 406 məscid və dini məbədə təbii qazdan istifadəsi üçün limit ayrılıb.
AzərTac
BƏNZƏR MƏQALƏLƏR
-
ARDNF 461,6 milyon dollar məbləğində vəsait satıb
Azərbaycan Respublikası Dövlət Neft Fondu (ARDNF) tərəfindən 2021-ci ilin iyul ayı ərzində 461,6 milyon ABŞ […]
-
Azərbaycan Bakı-Tbilisi-Ərzurum qaz kəməri ilə 5,9 milyard kubmetr qaz ixrac edib
Economic.az Dövlət Statistika Komitəsinə istinadən məlumat verir ki, 2021-ci il ilin yanvar-aprel aylarında Azərbaycan Bakı-Tbilisi-Ərzurum qaz […]
-
Bolqarıstan bankı Azərbaycan qazının nəqli layihəsinə kredit ayırıb
Bolqarıstanın “DSK” bankı Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektoru (IGB) layihəsi üçün qısamüddətli […]