Azərbaycan Mərkəzi Bankının (AMB) İdarə Heyətinin qərarı ilə “Prior Credit” QSC bank olmayan kredit təşkilatına (BOKT) lisenziya verilib.

Economic.az bildirir ki, “Report” bu barədə tənzimləyici quruma istinadən xəbər verir.

Məlumata görə, bununla da ölkədə lisenziyası olan BOKT-ların sayı 47-yə çatıb.

Xatırladaq ki, “Prior Credit” bu ilin may ayında yaradılıb. Yeni BOKT “Prior Leasing” ASC ilə eyni hüquqi ünvanda – Bakı şəhəri, Xətai rayonu, Nobel prospekti, 25E-də qeydiyyatdan keçib. Onun nizamnamə kapitalı BOKT-lar üçün müəyyən edilmiş minimal tələbə uyğun – 300 min manat, qanuni təmsilçisi isə Emin Elman oğlu Vəliyevdir.