ABA-nın “Ödəniş sistemləri və alternativ xidmət kanalları üzrə” Ekspert qrupunun növbəti iclası keçirilmişdir
11 sentyabr tarixində Azərbaycan Banklar Assosiasiyasında “Ödəniş sistemləri və alternativ xidmət kanalları üzrə” Ekspert qrupunun növbəti iclası keçirilmişdir.
Economic-ə verilən məlumata görə, Azərbaycan Respublikasının Maliyyə Bazarlarına Nəzarət Palatasının və Azərbaycan Respublikası Mərkəzi Bankının nümayəndələrinin iştirakı ilə keçirilən növbəti görüşdə “Ödəniş kartlarının emissiyası və istifadə Qaydalar”na son dəyişikliklər müzakirə edilmişdir.
Aparılan müzakirələrdə qaydalara edilən dəyişikliklərin ölkədə ödəniş kartları sahəsində innovativ ödəniş həllərinin istifadəsinin genişlənməsinə və bankların bu sahədə fəaliyyətləri üzrə risklərin daha effektiv idarə edilməsinə imkan verəcəyi qeyd edilmişdir. Həmçinin aparılan dəyişikliklərin pərakəndə ödənişlərin nağdsız dövriyyəyə cəlb edilməsini təmin edə biləcək əvvəlcədən ödənilmiş kartların daha effektiv istifadəsinə imkan yaradacağı vurğulanmışdır. Qeyd edilmişdir ki, bu dəyişikliklər ödəniş kartları sahəsində kart sahibləri ilə bağlanılan müqavilə münasibətlərinə dair yeni tələbləri də müəyyən edir.
Qarşılıqlı müzakirələr əsasında keçirilən görüşdə yeni dəyişikliklərin üstünlükləri və beynəlxalq təcrübədə bu sahədə son tendensiyalar da müzakirə edilmişdir.
BƏNZƏR MƏQALƏLƏR
-
Pulu nağdlaşdıran zaman komissiya haqqı ləğv oluna bilərmi – Ekspert rəyi
Milli Məclisdə bankomatlardan pulun nağdlaşdırılması zamanı tutulan komissiya haqqının ləğv olunması və ya az olması […]
-
Kapital Bank daha bir filialını istifadəyə verdi
Ölkənin ən geniş filial şəbəkəsinə malik olan Kapital Bank daha bir filialını istifadəyə verdi. Bu […]
-
Birbank Cashback kart sahibləri bonuslardan ayda 50 manat qazanırlar
Ölkənin ilk rəqəmsal bankı Birbank müştərilərinə bir sıra üstünlüklər verən pulsuz Birbank Cashback debet kartını […]