Yaponiya nüvə enerjisindən istifadəni artırmaq niyyətindədir
Bakı, 5 iyun, AZƏRTAC
Yaponiya enerji siyasətinin yenilənməsi çərçivəsində nüvə enerjisindən istifadəni artırmaq niyyətindədir.
AZƏRTAC “Reuters” agentliyinə istinadla xəbər verir ki, Yaponiya 2011-ci ildə Fukusimadakı fəlakətdən sonra nüvə energetikasından asılılığını azaldıb və elektrik enerjisinin istehsalı üçün qazıntı yanacaqdan istifadəni 70 faizədək artırıb.
Lakin kömür və qaz qiymətlərində kəskin artım və Rusiya-Ukrayna müharibəsi səbəbindən hökumət sabit enerji təchizatının təmin edilməsi üçün külək və günəş enerjisi ilə yanaşı, nüvə enerjisinin daha geniş istifadəsi barədə düşünür.
Dünyada mayeləşdirilmiş təbii qazın ikinci ən böyük idxalçısı və energetik kömürün ən böyük alıcısı olan Yaponiya tərəfindən nüvə enerjisinin artırılmasına hər hansı bir keçid Avstraliya, Qətər, ABŞ və İndoneziya da daxil olmaqla, bu növ qazıntı yanacağın ixracatçılarına təsir edəcək.
Hökumət bildirib ki, çox güman ki, ölkə 2050-ci ilə qədər elektrik enerjisinin istehsalını təxminən 50 faiz artırmalı olacaq, çünki yarımkeçiricilərin istehsalı zavodları və məlumat emalı mərkəzləri tərəfindən tələbat artır. Enerji şirkətləri və sənaye sektoru, öz növbəsində, getdikcə daha çox nüvə enerjisindən daha geniş istifadə etməyə çağırır, çünki geosiyasi gərginlik enerji təchizatında kəsilmə və elektrik enerjisi qiymətlərinin yüksəlmə riskini artırır.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]