“Titanik”ə görə “Oskar” mükafatı qazanan prodüser Con Landau vəfat edib

Bakı, 7 iyul, AZƏRTAC

“Titanik” filmindəki işinə görə “Oskar” və “Qızıl Qlobus” mükafatlarını qazanan prodüser Con Landau 64 yaşında vəfat edib.

AZƏRTAC xəbər verir ki, bu barədə “Variety” jurnalı məlumat yayıb.

Nəşrin məlumatına görə, onun ölüm səbəbi xərçəng xəstəliyi olub.

Landau 1960-cı ildə Nyu-Yorkda anadan olub və Cənubi Kaliforniya Universitetinin Kinematik Sənətlər Məktəbində təhsil alıb. O, 1997-ci ildə çəkilmiş “Titanik” filmində rejissor Ceyms Kemeronla əməkdaşlığı sayəsində tarixə düşüb – film qlobal kassada 1 milyard dollar qazanan ilk ekran əsəri olub. Bundan sonra Landau 2009-cu ildə “Avatar” və 2022-ci ildə “Avatar: Suyun Yolu” filmlərinə rejissorluq edib.