Təyyarədə sərnişinlərin ən çox verdiyi suallar maraqla qarşılandı – FOTO
Təyyarədə sərnişinlərin ən çox verdiyi suallar qələmlə bağlı olur.
Bu barədə “Air New Zealand” heyət üzvü Loqan Bakli danışıb.
Onun sözlərinə görə, səyahətçilər çox vaxt özləri ilə qələm götürməyi unudurlar və bunu stüardessalardan xahiş edirlər.
“Bəzən biz sizə qələm verə bilərik, lakin təbii ki, çox vaxt qələmlər çatışmır, ona görə də növbəti dəfə uçuşda nə götürəcəyiniz siyahısını tərtib edərkən, ora qələm əlavə edin”, – deyə ekipaj üzvü tövsiyə edib.
Bundan əlavə, Bakli sərnişinlərin daim ayaqlarını hara uzada biləcəkləri ilə maraqlandıqlarını qeyd edib:
“Gəzməyə ehtiyacınız varsa, salonda gəzməkdən və stüardessaların oturduğu mətbəxə getməkdən çəkinməyin, biz həmişə sizinlə söhbət etməkdən məmnunuq”, – deyə stüard aydınlıq gətirib.
“Air New Zealand” əməkdaşı onu da qeyd edib ki, ekonom sinif səyahətçiləri tez-tez niyə biznes sinfin ayaqyolundan istifadə edə bilmədiklərini soruşurlar.
“Biz istəyirik ki, bütün müştərilərimiz təyyarədə fantastik təəssürat alsınlar. Həmçinin biznes sinif sərnişinlərinin yanında həddindən artıq hərəkətlilikdən qaçmağa çalışırıq. Bu səbəbdən insanlardan bilet ödənişinə uyğun salonda qalmalarını xahiş edirik”, – deyə o əlavə edib.
Heyət üzvünün xüsusən qələmlə bağlı dedikləri sosial şəbəkələrdə maraqla qarşılanıb, biznes və ekonom sinif seçimləri isə böyük müzakirələrə səbəb olub.
Mənbə: Lenta.ru
BƏNZƏR MƏQALƏLƏR
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]
-
AZAL Laçın hava limanının nəzarət sistemi ilə təchiz edilməsinə dair müqavilə imzalayıb – FOTO
Bizim WhatsApp kanalımıza buradan abunə ola bilərsiniz Frankfurt-Maynda keçirilən nüfuzlu “Passenger Terminal Expo 2024” konfransında […]
-
Rusiyada işləyən azərbaycanlıların nəzərinə: Rus dili imtahanında dəyişikliklər olacaq
Bizim WhatsApp kanalımıza buradan abunə ola bilərsiniz Rusiya Təhsil və Elmə Nəzarət Federal Xidməti (“Rosobrnadzor”) […]