Taleh Kazımov: “Sərhədlərin açılmasının iqtisadi aktivliyə təsirləri ilə bağlı qiymətləndirməmiz yoxdur”

“Sərhədlərin açılmasının iqtisadi aktivliyə, əmtəə və xidmətlərin idxal və ixracına təsirləri ilə bağlı qiymətləndirməmiz yoxdur”.

APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2024-cü il dövlət büdcəsinin zərfi”nin müzakirəsi zamanı Mərkəzi Bankın sədri Taleh Kazımov deyib.

Bununla belə, Taleh Kazımov qeyd edib ki, məsələnin əhəmiyyətini nəzərə alaraq növbəti təhlillərində bu təsirləri araşdıracaqlar.

Dövlət Gömrük Komitəsinin sədri Şahin Bağırov isə deyib ki, ümumilikdə proqnoz nöqteyi-nəzərindən sərhədlərin bağlanmasının büdcəyə xeyri proqnozdan azdır.

Sərhədlərin açılmasının iqtisadi aktivliyə, əmtəə və xidmətlərin idxal və ixracına təsirləri ilə bağlı qiymətləndirməmiz yoxdur, məsələnin əhəmiyyətini nəzərə alaraq növbəti təhlillərimizdə bu təsirləri araşdıracağıq. Məlumat üçün qeyd edim ki, artıq bu istiqamətdə komandama tapşırıq verdim.