Sumqayıtda “Tullantıları hədiyyələrə dəyiş” festivalı keçirilib
Sumqayıt, 6 iyul, Ətrabə Rzayeva, AZƏRTAC
Beynəlxalq Polietilen Paketdən İmtina Günü ilə əlaqədar Ekologiya və Təbii Sərvətlər Nazirliyinin təşkilatçılığı ilə Sumqayıt şəhərində “Tullantıları hədiyyələrə dəyiş” festivalı keçirilib.
AZƏRTAC xəbər verir ki, festival çərçivəsində vətəndaşlar plastik, şüşə tullantı və işlənmiş batareyalar təhvil verərək, əvəzinə müxtəlif hədiyyələr əldə ediblər.
Tədbirdə ekokönüllülər kətan üzərində tullantıların düzgün idarə olunmasını əks etdirən müxtəlif şəkillər çəkiblər.
“Yaşıl dünya naminə həmrəylik ili” çərçivəsində keçirilən tədbir tullantıları azaltmaq, resurslardan daha səmərəli istifadə etmək, tullantıları mənbəyində toplayıb təkrar emal etmək, o cümlədən ictimaiyyətə polietilen paketlərin zərərləri və alternativləri haqqında məlumat vermək məqsədi daşıyıb.
Polietilen paketlərin ətraf mühitə olan zərərləri haqqında əhalini maarifləndirmək və onların istifadəsindən imtina edərək, daha ekoloji alternativlərə keçidi təşviq etmək məqsədilə hər il iyulun 3-də Beynəlxalq Polietilen Paketdən İmtina Günü qeyd olunur.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]