Şimali Koreya əsgərləri yenidən demarkasiya xəttini keçməyə cəhd ediblər
Pekin, 21 iyun, AZƏRTAC
Koreya Xalq Demokratik Respublikasının (KXDR) əsgərləri yenidən iki Koreya arasında faktiki sərhəd olan hərbi demarkasiya xəttini keçməyə cəhd ediblər.
AZƏRTAC xəbər verir ki, bu barədə “Yonhap” agentliyi Cənubi Koreya silahlı qüvvələrinin baş qərargahına istinadla xəbər yayıb. Bildirilir ki, hadisə iyunun 20-də saat 11:00 radələrində baş verib. Demilitarizasiya zonasında mühəndis-istehkam və tikinti işləri aparan Şimali Koreya əsgərləri qısa müddətə demarkasiya xəttini keçiblər. Cənubi Koreya əsgərlərinin xəbərdarlıq atəşindən sonra geri qayıdıblar. Bu, iyun ayında Şimali Koreya əsgərlərini 3-cü dəfə demarkasiya xəttinin cənub tərəfinə keçməsidir. Oxşar hadisələr iyunun 9-da və 18-də də baş verib.
Qeyd edək ki, Cənubi Koreya tərəfi KXDR-in apreldən bəri sərhəddə xeyli canlı qüvvə topladığını, yeni yollar çəkdiyini, mühəndis-istehkam işlərinə başladığını, hətta əraziyə minalar basdırdığını açıqlayıb.
Şahin Cəfərov
AZƏRTAC-ın xüsusi müxbiri
Pekin
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]