Özbəkistan şirkəti Azərbaycanda yaradacağı müəssisələrin hesabına 648 milyon manat satış gəliri proqnozlaşdırır
İmişli, 12 iyul, AZƏRTAC
Özbəkistanın “Tukımachı Sanoat Tekstıl” MMC Azərbaycanda yaradacağı 5 müəssisənin hesabına 10 il ərzində (2025-2034-cü illərdə) 648 milyon manat satış gəlirləri, 222 milyon manat isə vergiyəqədərki mənfəət əldə edəcəyini proqnozlaşdırır.
AZƏRTAC xəbər verir ki, bu barədə şirkətin təsisçilərindən Abduvoris Yuldaşov iyulun 12-də İmişlidə Özbəkistan şirkətləri ilə keçirilən görüşdə deyib.
O bildirib ki, investisiyanın geri qayıtması müddəti 5,5 ildir. İnvestisiyanın xalis mənfəət marjası 34 faizdir. Layihədə illik 1132 nəfərin işlə təmin edilməsi nəzərdə tutulur. Bu layihənin hesabına regionlarda məşğulluq təmin ediləcək, əlavə dəyər yükü olan iplik, toxuculuq, tikiş məhsulları ixrac olunacaq. Bu da öz növbəsində ölkədən valyuta çıxışının azalmasına səbəb olacaq.
Qeyd edək ki, İmişli rayonunda yerləşən aqroparkın 5826 hektarlıq təsərrüfat sahəsinin Özbəkistan şirkətinin uzunmüddətli istifadəsinə verilməsinə dair müqavilə imzalanıb. “TST Textile Group” MMC tərəfindən 5826 hektarlıq ərazidə pambıq sahəsi salınacaq, bu isə ölkəmizdə sözügedən sahənin inkişafında mühüm rol oynayacaq. İlkin mərhələdə pambıq sahəsinin yaradılmasına 28,7 milyon manat investisiya yatırılacaq. Bundan başqa, 2025-2029-cu illər ərzində şirkət tərəfindən pambıq emalı, iplik, toxuculuq və tikiş fabriklərinin, həmçinin pambıq yağı zavodunun qurulması nəzərdə tutulur.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]