Naxçıvanda elektrik enerjisi dəyərinin terminallarda ödənişi bərpa olunur
Naxçıvan, 10 avqust, AZƏRTAC
“Naxçıvanbank” ASC adını və təşkilati-hüquqi formasını dəyişərək “E-Kredit” MMC bank olmayan kredit təşkilatına (BOKT) çevrildiyindən 23 iyun 2024-cü il tarixində saat 23:00-da ona məxsus ödəmə məntəqələrində elektrik enerjisinin dəyərinin ödənilməsi və smart-kart tipli sayğacların balansının artırılması dayandırılıb.
AZƏRTAC-ın Naxçıvan bürosu xəbər verir ki, mövcud çətinliyi aradan qaldırmaq üçün Naxçıvan Muxtar Respublikası Dövlət Energetika Xidməti “MPAY” Qapalı Səhmdar Cəmiyyəti ilə smart-kart tipli elektrik sayğaclarının balansının artırılması və onlayn ödənişlərin həyata keçirilməsi məqsədilə müqavilə imzalayıb.
Hazırda Naxçıvan şəhəri üzrə bir neçə yerdə – Əliabad qəsəbəsindəki “Baba” marketdə, aviakassanın və əvvəlki “Naxçıvanbank”ın qarşısındakı ödəmə məntəqələrində smart-kart tipli elektrik sayğaclarının ödənişlərinin bərpası təmin olunub. Gələn həftədən etibarən muxtar respublika üzrə bütün ödəmə məntəqələrində smart-kart tipli elektrik sayğaclarının balansını artırmaq mümkün olacaq.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]