NATO büdcəsinə ən çox töhfə verən ölkələr açıqlanıb
Bakı, 12 iyul, AZƏRTAC
Şimali Atlantika Alyansı (NATO) 75 illik yubileyini qeyd edir. NATO-nun yubiley mərasimində ABŞ prezidenti Cozef Bayden bildirib ki, bu gün təşkilat 32 ölkənin səyləri nəticəsində əvvəlkindən daha güclüdür.
AZƏRTAC xarici mediaya istinadla xəbər verir ki, NATO-nun öz hərbi resursları olsa da, təşkilatın hərbi strukturunun böyük hissəsini üzv ölkələr təşkil edir. Bəs hazırda Alyansa ən çox töhfə verən dövlətlər hansılardır?
2006-cı ildə NATO-ya üzv ölkələr təşkilatın hərbi hazırlığının təmin edilməsi məqsədilə ÜDM-nin 2 faizini müdafiə xərclərinə ayırmaqla bağlı razılığa gəlib. Ancaq bu faiz yalnız ölkələrin siyasi iradəsinin göstəricisidir.
2023-cü ilin iyul ayında yalnız 11 ölkə bu hədəfə çata bilib, 860 milyard dollarlıq töhfə verən ABŞ ən çox investisiya qoyan ölkə olub (ümumi xərclərin 68 faizi).
Ancaq ölkələrin ÜDM faizini müqayisə etsək, ABŞ reytinqdə birinci yox, ikincidir. Müdafiəyə ən çox pul xərcləyən ölkə 2023-cü ildə hərbi xərclərə ÜDM-in 3,92 faizini, yəni 29,1 milyard dollar vəsait ayıran Polşadır.
Ümumilikdə, təşkilatın bildirdiyinə görə, 31 üzv dövlətdən 8-i razılaşdırılmış faizdən daha az töhfə verir.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]