Moldovanın hazırkı prezidenti ikinci müddətə namizədliyini irəli sürəcəyini elan edib
Kişineu, 23 avqusta, AZƏRTAC
Moldovanın hazırkı Prezidenti Maya Sandu ikinci müddətə namizədliyini irəli sürəcəyini rəsmən bəyan edib.
Bu barədə AZƏRTAC “NewsMaker” nəşrinə istinadla xəbər verir.
“Müstəqillik əldə etdikdən sonra biz referendumda ilk dəfə xarici siyasət kursumuzu müəyyən edəcəyik. Əminəm ki, xalqımız sülhü və azadlığı seçir. Həmçinin 2024-cü ildə biz prezident seçəcəyik. Mənim proqramım aydındır: qarşılıqlı anlaşma, daha yaxşı şərait”, – deyə Sandu bildirib.
Nəşr bildirib ki, onun namizədliyini irəli sürdüyü partiya “Hərəkət və Həmrəylik” (PAS) adlanır.
Məlumata görə, indi Maya Sandunun təşəbbüs qrupu Mərkəzi Seçki Komissiyasında qeydiyyatdan keçməlidir. Bundan sonra inzibati ərazi vahidlərinin ən azı yarısında 25 minə yaxın imza toplamaq lazım gələcək. Yalnız bundan sonra MSK Sandunu rəsmi olaraq namizəd kimi qeydə ala biləcək.
Qeyd edək ki, avqustun 1-də Moldovada prezident seçkiləri kampaniyası rəsmən başlayıb. Ölkədə seçkilər oktyabrın 20-də keçiriləcək.
Emil Hüseynli
AZƏRTAC-ın xüsusi müxbiri
Kişineu
BƏNZƏR MƏQALƏLƏR
-
Türkiyəli ekspert: Azərbaycanın Ermənistan Konstitusiyasına dəyişiklik edilməsi ilə bağlı tələbləri haqlıdır
Ankara, 11 sentyabr, AZƏRTAC “Ermənistan Konstitusiyasının hazırkı redaksiyası Bakı ilə İrəvan arasında sülh sazişinin imzalanmasına […]
-
Laçın sakini: Yurduma gedib işimi davam etdirmək istəyirəm
Bakı, 11 sentyabr, AZƏRTAC “Laçında illərlə mətbuat işçisi olmuşam. İndi yurduma gedib işimi yenidən davam […]
-
Mayotda işsizlik Fransa üzrə orta göstəricidən 5 dəfə çoxdur
Bakı, 11 sentyabr, AZƏRTAC Fransanın Mayot departamentində işsizlik artaraq 37 faizə çatıb. AZƏRTAC “”Figaro”ya istinadla […]