Martda “Unicapital İnvestisiya Şirkəti”nin göstərdiyi xidmətin həcmi 35 milyon manatı ötüb
“Unibank”ın “Unicapital İnvestisiya Şirkəti” Açıq Səhmdar Cəmiyyəti dövlət qiymətli kağızlar bazarında göstərilən xidmətlərin həcminə görə artıq iki aydır davamlı olaraq investisiya şirkətlərinin reytinqinə başçılıq edir.
Martın nəticələrinə görə də “Unicapital İnvestisiya Şirkəti” bazarın ən çox xidmət göstərən şirkətidir. Bakı Fond Birjasının analitik şöbəsinin hesablamalarına əsasən, martda şirkətin müştərilərə göstərdiyi xidmətinin həcmi 35 milyon manatı ötüb.
Nizamnamə kapitalı 100 faizlik “Unibank”a məxsus olan “Unicapital İnvestisiya Şirkəti” qiymətli kağızlar bazarında lider mövqeyini günü-gündən artırmaqdadır. Qiymətli kağızlar bazarının uzun illərdir ki, iştirakçısı olan “Unicapital İnvestisiya Şirkəti” hüquqi və fiziki şəxsləri də əhatə etməklə böyük müştəri bazasına malikdir.
Uğurlu bazar təcrübəsi sayəsində şirkət istər Azərbaycan bazarına daxil olmaq istəyən xarici investorlar, istərsə də yerli hüquqi və fiziki müştərilər üçün etibarlı tərəfdaşdır. İnvestisiya şirkəti qiymətli kağızlar bazarında həm əsas, həm də yardımçı investisiya xidmətləri göstərir.
Hazırda “Unicapital İnvestisiya Şirkəti”nin nizamnamə kapitalı 300.000 manat təşkil edir.
BƏNZƏR MƏQALƏLƏR
-
Pulu nağdlaşdıran zaman komissiya haqqı ləğv oluna bilərmi – Ekspert rəyi
Milli Məclisdə bankomatlardan pulun nağdlaşdırılması zamanı tutulan komissiya haqqının ləğv olunması və ya az olması […]
-
Kapital Bank daha bir filialını istifadəyə verdi
Ölkənin ən geniş filial şəbəkəsinə malik olan Kapital Bank daha bir filialını istifadəyə verdi. Bu […]
-
Birbank Cashback kart sahibləri bonuslardan ayda 50 manat qazanırlar
Ölkənin ilk rəqəmsal bankı Birbank müştərilərinə bir sıra üstünlüklər verən pulsuz Birbank Cashback debet kartını […]