“Mariya” qasırğası Yaponiyada qatarların hərəkətində və aviareyslərdə fasilələr yaradıb
Bakı, 12 avqust, AZƏRTAC
“Mariya” tropik qasırğası Honsyu adasına çatıb və Yaponiyanın nəqliyyat sistemində fasilələr yaradıb.
AZƏRTAC Yaponiya mediasına istinadla xəbər verir ki, Tohoku bölgəsində pis hava şəraiti ilə əlaqədar Morioka və Akita stansiyaları arasında qatarların hərəkəti məhdudlaşdırılıb.
“Japan Airlines” və “All Nippon Airways” aviaşirkətləri bir sıra regional reysləri ləğv edib. Qeyd olunur ki, məhdudiyyətlər çərşənbə axşamı səhərə qədər davam edə bilər.
Təbii fəlakət bazar günü İvate prefekturasına çatıb. Burada son iki gündə 46 santimetrə qədər yağış yağıb. Bundan əlavə, proqnozlara görə, çərşənbə axşamı 25 santimetrə qədər yağıntı olacağı gözlənilir.
Bazar günü “Mariya” fırtına kimi deyil, daha güclü təbii fəlakət – tayfun kimi təsnif edilib. Qasırğanın əhatə dairəsində küləyin sürəti hazırda saatda 72 kilometrdən çox deyil.
Yaponiya hakimiyyəti isə daşqın, sel və sürüşmə təhlükəsi barədə xəbərdarlıq edib və İvate, Aomori və Miyaqi prefekturalarının 170 min sakinini evlərini tərk edərək sığınacaqlarda yerləşməyə çağırıb.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]