Macarıstanda günəş enerjisinin istehsalı 47 faiz artıb
Budapeşt, 25 avqust, AZƏRTAC
“Ötən il Macarıstan 2030-cu ilə tullantıların 40 faiz azaldılmasını nəzərdə tutan iqlim məqsədinin illik hissəsini artıqlaması ilə yerinə yetirib”.
AZƏRTAC xəbər verir ki, bu barədə ölkənin energetika naziri Çaba Lantoş bildirib.
Onun sözlərinə görə 2023-cü ildə tullantılar 9,5 faiz azaldılıb. Eyni zamanda ən çox azalma enerji sektorunun payına düşüb – 11 faiz. İstehlakçıların məlumatlandırılması və mülayim qış havası sayəsində əsas elektrik və istilik stansiyalarının tullantılar 20 faiz azaldılıb.
Nazir qeyd edib ki, Macarıstanda günəş enerjisinin istehsalı 47 faiz artırılıb.
O, Avropa Statistika Komitəsinin avqust ayına olan məlumatına istinadla bildirib ki, 2024-cü ilin ilk rübündə Macarıstan tullantıların azaldılması üzrə Avropa İttifaqında ilk üçlükdə yer alıb.
“Əldə edilmiş nəticələr Macarıstanın iqlim öhdəliklərinin yerinə yetirilməsinə sadiqliyini və ölkənin davamlı iqtisadiyyat yolunda əhəmiyyətli irəliləyişini əyani şəkildə nümayiş etdirib”, – deyə Lantoş vurğulayıb.
AZƏRTAC-ın xüsusi müxbiri
Budapeşt
BƏNZƏR MƏQALƏLƏR
-
Türkiyəli ekspert: Azərbaycanın Ermənistan Konstitusiyasına dəyişiklik edilməsi ilə bağlı tələbləri haqlıdır
Ankara, 11 sentyabr, AZƏRTAC “Ermənistan Konstitusiyasının hazırkı redaksiyası Bakı ilə İrəvan arasında sülh sazişinin imzalanmasına […]
-
Laçın sakini: Yurduma gedib işimi davam etdirmək istəyirəm
Bakı, 11 sentyabr, AZƏRTAC “Laçında illərlə mətbuat işçisi olmuşam. İndi yurduma gedib işimi yenidən davam […]
-
Mayotda işsizlik Fransa üzrə orta göstəricidən 5 dəfə çoxdur
Bakı, 11 sentyabr, AZƏRTAC Fransanın Mayot departamentində işsizlik artaraq 37 faizə çatıb. AZƏRTAC “”Figaro”ya istinadla […]