Kir Starmer Co Baydenin səhhəti haqqında danışıb
London, 12 iyul, AZƏRTAC
Britaniyanın Baş naziri Kir Starmer Vaşinqtonda keçirilən NATO sammitində Co Baydenlə ikitərəfli görüş keçirib.
AZƏRTAC xəbər verir ki, Kir Starmer “BBC” telekanalına müsahibəsində Co Baydenin səhhəti haqqında sualı cavablandırıb. Müxbir Baş nazirdən Prezident Baydenin yaşı ilə bağlı zehni qabiliyyətinin azaldığını müşahidə edib-etmədiyini soruşub.
Kir Starmer jurnalistin sualına “yox” cavabını verib. O, ABŞ prezidentinin həqiqətən yaxşı formada olduğunu deyib. Baş nazir qeyd edib ki, bir saatlıq şəxsi danışıqlarda və Ağ Evdə NATO liderləri üçün şam yeməyində iştirak edərkən Co Baydenin əqli cəhətdən çevik olduğunu müşahidə edib.
Kir Starmer Co Baydenlə təkcə Ukrayna məsələsi ilə deyil, bir çox strateji və beynəlxalq məsələ ilə bağlı müzakirələr apardığını və Baydenin bütün təfərrüatlar haqqında məlumatlı olduğunu deyib. Baş nazir amerikalı həmkarının inanılmaz liderlik nümayiş etdirdiyini də əlavə edib.
Aytən Abbaslı
AZƏRTAC-ın xüsusi müxbiri
London
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]