Keçmiş məcburi köçkün: İllərdir həsrətində olduğum gün gəlib çatdı

Bakı, 5 sentyabr, AZƏRTAC

Bu gün çox sevindirici gündür. İllərdir həsrətində olduğum gün gəlib çatdı. Şükürlər olsun bu günə. Elimiz hər zaman bu cür şənliklərə şahid olsun.

AZƏRTAC xəbər verir ki, bu sözləri bu gün Şuşa şəhərinə qayıdan keçmiş məcburi köçkün Sevda Həsənova söyləyib.

Şuşalı sakin bu gün üçün Prezidentə minnətdarlığını bildirib, şəhidlərə rəhmət və qazilərə cansağlığı arzu edib. “Uzun illərin həsrətinin bitməyinə səbəbkar olan Ali Baş Komandana təşəkkür edirəm, şəhidlərimizin ruhları şad olsun, qazilərə Allah şəfa versin”, – deyə o vurğulayıb.