İslamabad abadlıq üzrə Bakının təcrübəsindən faydalanacaq
Bakı, 27 iyun, AZƏRTAC
İslamabadda Pakistan paytaxtının abadlaşdırılması İdarəsinin (Country Development Authority – CDA) sədri Muhammed Ali Randhavanın Bakı meriyasının nümayəndə heyəti ilə görüşü olub.
AZƏRTAC xəbər verir ki, bu barədə Pakistanın ingilis dilində nəşr olunan gündəlik “The Nation” nəşri məlumat verib. Qəzetin məqaləsində qeyd edilir ki, iyunun 26-da CDA-da keçirilən görüşdə Azərbaycanın Pakistandakı səfiri Xəzər Fərhadov da iştirak edib.
Məqalədə bildirilir: “Muhammed Ali Randhava qeyd edib ki, İslamabadda aparılan abadlıq işləri ənənəvi və müasir memarlığın sintezini yaratmaq məqsədi daşıyır. Onun sözlərinə görə, CDA bu fəaliyyətində İslamabadı daha da gözəlləşdirmək üçün qardaş Azərbaycanın təcrübəsindən istifadə edəcək”.
Azərbaycan nümayəndə heyətinin üzvləri üçgünlük səfər çərçivəsində Pakistan paytaxtının müxtəlif parklarına, prospektlərinə və attraksionlarına, o cümlədən məşhur “Melody Food” küçəsinə, restoranlar, yeməkxanalar və mağazaların olduğu və piyadalar üçün nəzərdə tutulmuş meydana baş çəkiblər. Bakının abadlaşdırılması və şəhər landşaftı üzrə mütəxəssislər pakistanlı həmkarlarına İslamabadın daha da gözəlləşdirilməsi üçün öz tövsiyə və təkliflərini verəcəklər.
Məqalədə qeyd olunur ki, azərbaycanlı və pakistanlı ekspertlər İslamabadın “Melody Food” küçəsinin və Şrinaqar şossesinin piyadalar üçün nəzərdə tutulmuş ərazilərinin abadlaşdırılması üçün Bakının landşaft dizayn elementlərindən istifadə imkanları ilə bağlı məsələləri də müzakirə ediblər.
“The Nation” yazır: “Bu məqsədlə qısa, orta və uzunmüddətli layihələr hazırlanacaq, onlar birgə həyata keçiriləcək”.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]