Husilər Qırmızı dənizdə neft tankerinə raket hücumları ediblər
Bakı, 9 avqust, AZƏRTAC
Birləşmiş Krallığın Dəniz Ticarət Əməliyyatları (UKMTO) agentliyi cümə günü bildirib ki, “Delta Blue” xam neft tankeri Yəmənin Moxa limanı yaxınlığında son 24 saat ərzində üçüncü və dördüncü insident baş verib.
AZƏRTAC “Əl Ərəbiyə” telekanalına istinadla xəbər verir ki, ekipaj və gəmi zərər görməyib. Hazırda tanker növbəti limana doğru üzür.
UKMTO bildirib ki, son insidentlər arasında ekipajsız suüstü gəminin hücumu, digəri isə gəminin yaxınlığında yerə enən raketlə hücum olub. Avqustun 8-də gəminin kapitanı iki kiçik gəminin Moxadan təxminən 45 dəniz mili cənubda Liberiya bayrağı altında üzən “Delta Blue” tankerinin yaxınlığında reaktiv mərmi ilə atəş açdığını bildirib. Onların hər birində dörd nəfər olub. Bir neçə saat sonra daha bir raket tankerin yaxınlığında partlayıb.
Məlumata görə, gəmini ofisi Afinada yerləşən “Delta Tankers” idarə edir. Bu şirkət “Reuters”in şərh sorğusuna cavab verməyib.
Yəmənin İrana bağlı husi yaraqlıları İsrail ilə HƏMAS arasında gedən müharibədə fələstinlilərlə həmrəylik məqsədilə noyabr ayından etibarən Qırmızı dəniz bölgəsində beynəlxalq gəmilərə hücumlara başlayıblar.
Gəmi sahibləri Afrikanın cənub ucunda daha uzunməsafəli marşrutla üzmək üçün Qırmızı dəniz və Süveyş kanalından uzaqlaşıblar. Hücumlar ABŞ və Britaniyanın cavab zərbələrinə səbəb olub və qlobal ticarəti pozub.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]