Dubay hava limanı sərnişinlərə xidmət üzrə yeni rekord müəyyənləşdirib
Bakı, 12 avqust, AZƏRTAC
Dünyanın ən böyük nəqliyyat qovşaqlarından biri olan Dubay Beynəlxalq Hava Limanı cari ilin ilk altı ayında 44,9 milyon sərnişinə xidmət göstərərək yeni rekorda imza atıb. Bu da ötən ilin eyni dövrü ilə müqayisədə 8 faiz çoxdur.
AZƏRTAC xarici mediaya istinadla xəbər verir ki, ən çox sərnişin Hindistandan qəbul edilib – 6,1 milyon nəfər. Ondan sonra Səudiyyə Ərəbistanı və Böyük Britaniya gəlir – müvafiq olaraq 3,7 milyon və 2,9 milyon nəfər. Ən yüksək sərnişin axınına töhfə verən ölkələr kimi Pakistan (2,3 milyon), ABŞ (1,7 milyon), Rusiya (1,3 milyon) və Almaniya (1,3 milyon) da göstərilib.
Hesabat dövründə Dubay Hava Limanı 216 min reys qəbul edib ki, bu da 2023-cü ilin ilk altı ayı ilə müqayisədə 7,2 faiz çoxdur. 7,9 milyon sərnişinin hava limanının xidmətlərindən istifadə etdiyi ən sıx ay yanvar ayı olub.
Dubay Beynəlxalq Hava Limanı 2024-cü ildə 91,8 milyon insanı qarşılamağı planlaşdırır.
Qeyd edək ki, 2023-cü ildə Dubay Beynəlxalq Hava Limanında sərnişin axını 86,9 milyon nəfərə çatıb. COVID-19 pandemiyasından əvvəl rekord göstərici 2018-ci ildə qeydə alınıb – 89,1 milyon sərnişin.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]