COVID və kəskin respirator virus infeksiyalarından qoruyan vitaminlər
Virus infeksiyalarının sayı artır, qrip dalğası yaxınlaşır və koronavirusa yoluxma halları artır. Həkimlər peyvənd olunmağı və profilaktik tədbirlərin gücləndirilməsini tövsiyə edirlər. Effektivliyi sübut edilmiş üç vitamin var ki, onlar viruslarla mübarizə aparmağa kömək edirlər.
Bu barədə rusiyalı həkim-diyetoloq Marina Şestakova bildirib.
Əgər tez-tez ictimai yerlərdə olursunuzsa, özünüzü viruslardan tamamilə qorumaq çətindir, lakin ekspertlərin məsləhətlərinə əməl etsəniz, xəstəliyi yüngül keçirə bilərsiniz. Həkim vitaminləri unutmamağı məsləhət görür. Onlardan üçünün daha təsirli olduğu təsdiq edilib və kəskin respirator virus infeksiyaları mövsümündə xəstələnməməyə kömək edir.
“Virus infeksiyalarının artması zamanı bizi və uşaqlarımızı qoruyacaq vitaminlər var. Onların effektivliyi sübut olunub. Onlar özlərini daha əvvəlki epidemiyalar zamanı çox yaxşı göstəriblər”, – deyə Marina Şestakova bildirib.
Birinci yerdə D vitaminidir. Əslində, testdən keçmək və bu vitaminin səviyyəsini öyrənmək daha düzgündür. Onun səviyyəsi qanda 60-dan aşağı olmamalıdır. Profilaktik məqsədlər üçün D vitamini həkim tərəfindən təyin edildiyi qaydada qəbul etmək daha yaxşıdır.
İkinci yerdə sinkdir. Bu, qidada çox az olan, lakin immunitetimizə kömək edən çox vacib mineraldır. Sink 1-2 ay ərzində yemək zamanı qəbul edilməlidir, onu dozası da mütəxəssis tərəfindən təyin edilməlidir.
Üçüncü yerdə isə virusların bədənimizdə aktivləşməsinin qarşısını almaq üçün hər gün bizə lazım olan əsas antioksidant – C vitaminidir. Onun dozası ilə diqqətli olmalısınız, çünki bu vitaminin həddindən artıq qəbulu da insan orqanizmi üçün zərər verə bilər.
Mənbə: Medzdrav.info
BƏNZƏR MƏQALƏLƏR
-
İnsan ilk dəfə okeanda sahildən ən ucqar nöqtəyə çatdı – FOTO/VİDEO
Bizim WhatsApp kanalımıza buradan abunə ola bilərsiniz 2024-cü ildə ata və oğuldan (Kris və Mik […]
-
ABŞ-də 40 ton çəkisi, 18 metr uzunluğu olan məxluqun kəlləsi tapıldı – FOTO
Bizim WhatsApp kanalımıza buradan abunə ola bilərsiniz ABŞ-nin Şimali Karolina ştatının sahillərində iki sıra əyri, […]
-
Alimlərdən ömrün uzunluğu ilə bağlı sevindirici proqnoz
Bizim WhatsApp kanalımıza buradan abunə ola bilərsiniz Alimlər əsrin ortalarına qədər gözlənilən ömür uzunluğunun nə […]