Çikaqoda ABŞ Demokratlar Partiyasının qurultayı işə başlayır
Bakı, 19 avqust, AZƏRTAC
ABŞ Demokratlar Partiyasının qurultayı bu gün Çikaqoda işə başlayır və avqustun 22-dək davam edəcək.
AZƏRTAC xarici mediaya istinadla xəbər verir ki, qurultayda bir çox tanınmış partiya nümayəndələri, o cümlədən ABŞ prezidentliyinə namizəd Kamala Harris və vitse-prezidentliyə namizəd, Minnesota qubernatoru Tim Vals çıxış edəcək. Bir qayda olaraq, partiyalar qurultay zamanı dövlət başçılığına namizəd irəli sürürlər. Lakin bu dəfə Demokratlar Partiyasının komitəsi əvvəlcədən onlayn səsvermə keçirərək Harrisin namizədliyini təsdiqləyib.
ABŞ lideri Cozef Baydenin də qurultayda çıxış edəcəyi gözlənilir.
Qurultayda, həmçinin ABŞ-ın keçmiş prezidenti Bill Klinton, onun həyat yoldaşı, ABŞ-ın keçmiş dövlət katibi Hillari Klinton, eləcə də keçmiş prezident Barak Obama çıxış edəcək.
Amerika mediası qeyd edir ki, qurultayda prezidentliyə namizədin seçilməsinə ehtiyac olmadığı üçün tədbirin əsas hadisələri yüksəkrütbəli demokratların çıxışları və partiya platformasının təqdimatı olacaq.
Qeyd edək ki, respublikaçıların Milli Qurultayı iyulun 15-18-də keçirilib.
ABŞ-da prezident seçkiləri noyabrın 5-də keçiriləcək.
BƏNZƏR MƏQALƏLƏR
-
Türkiyəli ekspert: Azərbaycanın Ermənistan Konstitusiyasına dəyişiklik edilməsi ilə bağlı tələbləri haqlıdır
Ankara, 11 sentyabr, AZƏRTAC “Ermənistan Konstitusiyasının hazırkı redaksiyası Bakı ilə İrəvan arasında sülh sazişinin imzalanmasına […]
-
Laçın sakini: Yurduma gedib işimi davam etdirmək istəyirəm
Bakı, 11 sentyabr, AZƏRTAC “Laçında illərlə mətbuat işçisi olmuşam. İndi yurduma gedib işimi yenidən davam […]
-
Mayotda işsizlik Fransa üzrə orta göstəricidən 5 dəfə çoxdur
Bakı, 11 sentyabr, AZƏRTAC Fransanın Mayot departamentində işsizlik artaraq 37 faizə çatıb. AZƏRTAC “”Figaro”ya istinadla […]