Britaniyanın müdafiə naziri Ukraynaya səfəri zamanı atəş altına düşüb
Bakı, 9 iyul, AZƏRTAC
Böyük Britaniyanın yeni müdafiə naziri Con Hili iyulun 7-də Ukraynaya ilk rəsmi səfəri zamanı raket atəşi altına düşüb.
AZƏRTAC Daily Mirror nəşrinə istinadla xəbər verir ki, britaniyalı nazirin Ukrayna Prezidenti Volodimir Zelenski və müdafiə naziri Rustem Umerovla danışıqları zamanı Odessada hava hücumu xəbərdarlığı elan edilib. Buna görə də görüş iştirakçıları binalardan birinin zirzəmisinə sığınmağa məcbur olublar. Onlar yalnız yarım saat sonra, hava hücumu siqnalı ləğv edildikdən sonra sığınacaqdan çıxa biliblər.
Hili Böyük Britaniyada keçirilən parlament seçkilərində Leyboristlər Partiyasının qələbəsindən sonra – iyulun 5-də Böyük Britaniyanın müdafiə departamentinin rəhbəri təyin edilib. O, iyulun 7-də Odessaya gəlib və ölkəsinin Ukraynaya 90 ədəd Brimstone raketi, 10 ədəd AS-90 özüyeriyən artilleriya qurğusu və 250 min döyüş sursatı tədarük edəcəyini bildirib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]