Beynəlxalq Enerji Agentliyi neftin bahalaşacağını proqnozlaşdırır
Beynəlxalq Enerji Agentliyinin baş direktoru Fatih Birol neft qimyətlərində artım proqnozlaşdırır. Bu barədə F. Birol “Anadolu” agentliyinə müsahibəsində bildirib.
“Cari ilin yanvar ayında neft qiymətləri 30 dollar ətrafında dəyişirdi, lakin hazırda 50 dollara yaxınlaşıb. Yəni, vəziyyət bizim proqnozlaşdırdığımız kimidir”, – deyə F. Birol qeyd edib.
Neftin bahalaşmasının səbəblərinə toxunan baş direktor bildirib: “Buna səbəb anbarlarda, xüsusən də ABŞ “stock”larında neft ehtiyatlarının azalmasıdır: “Başqa sözlə, bazarda olan neftin həcmi azalıb, tələb isə artıb. Bundan başqa, Kanadada neftlə zəngin olan ərazilərdə yanğının baş verməsi və Nigeriyada neft platformalarına terrorçuların silahlı hücumu nefti bahalaşdırır”.
F. Birol əlavə edib ki, 2017-ci ildə neftin daha da bahalaşacağını proqnozlaşdırır: “Əlbbəttə, bu, bir çox neft hasil dən olan ölkələr üçün yaxşı xəbərdir. Təbii ki, hazırkı qiymətlər bir çox ölkələr, məsələn, Rusiya üçün yetərli deyil. Lakin son 3-4 ay ərzində baş verən 20 dollarlıq bahalaşma onlar üçün yaxşı xəbərdir”.
APA.AZ
BƏNZƏR MƏQALƏLƏR
-
Dollar bahalaşır: Avro və funt sterlinq düşür
Britaniya funt sterlinqinin dəyəri bazar ertəsi rekord həddə aşağı enib. Funt sterlinqin kəskin ucuzlaşması ABŞ […]
-
Qızıl sürətlə ucuzlaşır
Dünyada dollar indeksinin tarixi rekord səviyyəyə çatması fonunda qızılın qiyməti son 2,5 ilin minimumuna enib. […]
-
Pul bazası artıb
2022-ci il avqustun 1-nə olan vəziyyətə görə Azərbaycanda pul bazası 16,12 milyard manat təşkil edib. […]