Balıq ətinin istifadəsi çox təhlükəli ola bilər!

ECONOMİC.AZ: ABŞ-ın Okeanşünaslıq İnstitutunun bir qrup aliminin iddiası böyük müzakirələrə yol açıb. Onlar deyir ki, qidada balıq ətinin istifadəsi çox təhlükəlidir. Səbəbini isə belə izah edirlər: müxtəlif su hövzələrinə düşən zərərli maddələr balıqların əzələlərində toplanır. Belə balıqları yeyən adamların təhlükəli xəstəliklərə yoluxma ehtimalı yüksəkdir. Tədqiqatda o da bildirilir ki, sudakı zərərli maddələrə yoluxan balıqdan hazırlanan xörək adamların immun sistemini məhv etmək gücündədir. Artıq bir neçə balıq növünün orqanizmində bu cür maddələr aşkarlanıb. Alimlər neft məhsullarından ayrılan zəhərli maddələrin balıqla yanaşı, digər ət məhsulları və südün tərkibində olacağından ehtiyat edirlər. Bu tədqiqatdan sonra bəzi adamlar balıqdan hazırlanan xörəklərdən imtina etsələr də, əksər sakinlər bunun fərqində deyillər. Və balıq yeməyə davam edirlər.

Azər Qismət

ekspert