Azərbaycanda regional turizm startap təlimçilərinin bazası yaradılıb
Dövlət Turizm Agentliyi (DTA) və Azərbaycan Turizm Bürosunun dəstəyi ilə həyata keçirilən (ATB) “Regional İnnovativ Turizm Məhsulu” (RİTM) startap proqramı çərçivəsində 22 iyul – 6 avqust tarixlərində təlimçi və mentorlar üçün treninglər keçirilib.
Təlimlər Azərbaycanda turizm, sahibkarlıq və startaplar, startaplar üçün maliyyə, marketinq, xidmət və kommunikasiya kimi mövzuları əhatə edən bir sıra nəzəri biliklərə və təcrübəyə əsaslanan təlimləri əhatə edib.
Azərbaycanın müxtəlif bölgələrindən qatılan 20-ə yaxın təlimçi və mentor RİTM-in tədris və potensialın artırılması proqramında öz bacarıqlarını inkişaf etdirmək imkanı qazanıb.
DTA-nin Regional turizmin inkişafı sektorunun müdiri Elgün Cavadov “Alman İnkişaf Agentliyi”nin (GIZ) Azərbaycan ofisi ilə əməkdaşlıq çərçivəsində onlayn proqram vasitəsilə təşkil olunan təlimin yeni və xüsusi təlimçilər bazası yaratdığını deyib.Onun sözlərinə görə sözü gedən baza Azərbaycanın regional turizm konteksti üçün xüsusi olaraq hazırlanmış RİTM proqramının başlanğıc təlim kursunu həyata keçirəcək.
Təlimlər qonaqpərvərlik və turizm təhsili üzrə beynəlxalq ekspert, baş təlimçi Lisa Gordon Davis, o cümlədən, “Ekvita” şirkətinin hüquq üzrə meneceri Sevil Yəhyayeva, KOB dostu (Bakı) Kamran Bağırzadə, KOBİA-nın Regional layihələrlə iş və monitorinq şöbəsinin baş mütəxəssisi (şöbə müdirinin müavini) Sabir Zeynalov, eləcə də müxtəlif mövzular üzrə ATB mütəxəssisləri tərəfindən keçirilib.
“2021-ci ilin sonunda keçiriləcək milli finalda seçiləcək ilk üç yerin sahibi ümumi dəyəri 17 500 AZN olan investisiya əldə etməklə bərabər, “PWC Azərbaycan” peşəkar xidmətlər şirkətinin aparıcılığı ilə təşkil olunacaq akselerasiya proqramında da iştirak edəcəklər.”
RİTM proqramı haqqında ətraflı məlumat üçün https://ritm.tourismboard.az saytına daxil ola bilərsiniz.
BƏNZƏR MƏQALƏLƏR
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]
-
AZAL Laçın hava limanının nəzarət sistemi ilə təchiz edilməsinə dair müqavilə imzalayıb – FOTO
Bizim WhatsApp kanalımıza buradan abunə ola bilərsiniz Frankfurt-Maynda keçirilən nüfuzlu “Passenger Terminal Expo 2024” konfransında […]
-
Rusiyada işləyən azərbaycanlıların nəzərinə: Rus dili imtahanında dəyişikliklər olacaq
Bizim WhatsApp kanalımıza buradan abunə ola bilərsiniz Rusiya Təhsil və Elmə Nəzarət Federal Xidməti (“Rosobrnadzor”) […]