
Azərbaycana gələn ərəb turistlərin sayı kəskin artıb
ir sıra ölkə vətəndaşlarına sadələşdirilmiş viza rəsmiləşdirilməsi təklif olunur.
Birləşmiş Ərəb Əmirliklərindən (BƏƏ) Azərbaycana gələn turistlərin sayında əsaslı artım baş verib. Belə ki, təkcə cari ilin aprel ayında BƏƏ-dən ölkəmizə səfər edən xarici vətəndaşların sayı 2,5 min nəfər təşkil edib ki, bu da keçən ilin müvafiq dövrü ilə müqayisədə təxminən 27 dəfə çoxdur.
Bu barədə Mədəniyyət və Turizm Nazirliyindən bildirilib.
Təsadüfi deyildir ki, 2015-ci il ərzində Fars körfəzi ölkələrindən Azərbaycana gələn xarici vətəndaşların sayında 16,1% artım baş verib.
Bununla yanaşı qeyd edək ki, BƏƏ-dən 2016-cı ilin ilk 4 ayı ərzində gələn xarici turistlərin sayı 6 624 nəfər, 2015-ci ilin müvafiq dövrü ərzində gələn xarici turistlərin sayı isə 363 nəfər olub.
Bununla yanaşı xatırladırıq ki, cari ilin 1 fevral tarixindən etibarən Qətər, Oman, Səudiyyə Ərəbistanı, Bəhreyn, Küveyt, Yaponiya, Çin, Cənubi Koreya, Malayziya və Sinqapur vətəndaşlarına Azərbaycan Respublikasının bütün beynəlxalq statuslu hava limanlarında sadələşdirilmiş viza rəsmiləşdirilməsi təmin edilib.
Nazirlikdən bildirilib ki, bununla əlaqədar, yaxın zamanlarda sözügedən ölkələrdən də Azərbaycana gələcək turistlərin sayında artımın baş verəcəyi gözlənilir.
oxu.az
BƏNZƏR MƏQALƏLƏR
-
Bu il Azərbaycandan xaricə gedənlərin sayı artıb
Bu ilin yanvar-fevral ayları ərzində xarici ölkələrə gedən Azərbaycan vətəndaşlarının ümumi sayı 2022-ci ilin eyni […]
-
Bakı və Kişinyov arasında birbaşa aviareys açılıb – FOTO
“Air Moldova” aviaşirkəti Moldovanın paytaxtı Kişinyov və Bakı arasında ilk uçuşunu həyata keçirib. Bu barədə […]
-
Ankaraya yaz günü qar yağır – VİDEO
Türkiyənin paytaxtı Ankaraya qar yağır. Dikmen və İncek kimi ərazilərdə daha güclü yağan qar avtomobillərin […]