“Azərbaycan-Türkiyə Gönül Elçiləri” layihəsi səmərəli və uğurlu görüşlər, yeni əməkdaşlıq əlaqələrin qurulması ilə davam etdirilir – FOTO
ECONOMİC: Avrasya Ekonomik İlişkilər Dərnəyi, T.C. Kültür ve Turizm Bakanlığı Yurtdışı Türkler ve Akraba Toplulukları Başkanlığı, Həsən bəy Zərdabi İrs Mərkəzi və “Odlar Yurdu” Gənclər İctimai Birliyinin birgə təşkilatçılığı ilə “Azərbaycan-Türkiyə Gönül Elçiləri” layihəsi çərçivəsində rəhbərlik etdiyi nümayəndə heyəti ilə səfərdə olan EkoAvrasya təşkilatının İdarə Heyətinin sədri Hikmet Eren Karvan L Şirkətlər qrupunu ziyarət etmişdir. Karvan L Şirkətlər Qrupunun İcraçı Direktoru ilk öncə gələn qonaqlara şirkət haqqında geniş məlumatlar vermişdir. Şirkətin yerli və beynəlxalq ticari dövrüyyələrindəki iştirakı, təbii və keyfiyyətli məhsulun əldə olunması üçün davamlı tətbiq olunan yeniliklər və şirkətin strateji idarəetməsində istifadə olunan innovativ üsul və mexanizmlər haqqında geniş məlumat verdikdən sonra Azərbaycan və Türkiyə iş adamları ilə davamlı və uğurlu qurulan əməkdaşlıq əlaqələri, gələcək perspektivlər müzakirə olundu. Daha sonra EkoAvrasya Təşkilatının sədri Türkiyə dövlətinin sağlam və şəffaf biznes mühitinin yaradılması və eyni zamanda sahibkarlığın inkişafına yönəlmiş dövlət siyasəti haqqında məlumat verərək məhz Azərbaycanda da bu istiqamətdə çox uğurlu və strateji addımların atılmasını sevindirici hal kimi qeyd etdi. Görüş zamanı EkoAvrasya təşkilatının sədri Karvan L Şirkətlər Qrupunun İcraçı Direktoru Rəna Qəfərovaya Azərbaycan Türkiyə Könül Elçiləri Layihəsinin Təşəkkür Diplomu təqdim edildi. Daha sonra qonaqlar Karvan L şirkəti tərəfindən istehsal olunan bir çox unikal məhsullarla tanış oldular.
BƏNZƏR MƏQALƏLƏR
-
Azərbaycan-Polşa biznes forumu keçirilib
Bakıda İxracın və İnvestisiyaların Təşviqi Agentliyi – AZPROMO və Polşanın İnvestisiyalar və Ticarət Agentliyinin (PAIH) […]
-
Dördüncü Sənaye İnqilabı texnologiyaları üzrə İşçi Qrupun növbəti iclası keçirilib
Bakı Ekspo Mərkəzində təşkil edilən “4-cü Azərbaycan Beynəlxalq Müdafiə Sərgisi” çərçivəsində Dördüncü Sənaye İnqilabı (4Sİ) […]