Azərbaycan Turizm Assosiasiyası yeni memorandum imzaladı
ECONOMİC: Azərbaycan Turizm Assosiasiyası ilə Misir turizm agentlikləri Assosiasiyası arasında əməkdaşlıq haqqında memorandum imzalanıb
Azərbaycan Turizm Assosiasiyasının (AZTA) təşkilatçılığı, «Türk hava Yolları» və «Piramida Travel» şirkətlərinin təşkilati dəstəyi ilə Misir Ərəb Respublikasına infotur təşkil olunmuşdur.
İnfotur Qahirə və Şarm Əl Şeyx şəhərlərində baş tutmuşdur. Azərbaycanın 10 aparıcı turizm sənayesi nümayəndəsinin iştirak etdiyi bu səfərdə əsas məqsəd iki ölkə arasındakı turizm əlaqələrini daha da qüvvətləndirmək idi. Eyni zamanda, məhşur səyyah və blogger, o cümlədən, Azərbaycan Turizm Bloggerləri Assosiasiyasının sədri Azər Qərib də AZTA-nın dəvəti ilə səfərdə iştirak etmişdir.
Tur zamanı Qahirə və Şarm Əl Şeyxin ən qabaqcıl otelləri ziyarət edilmiş və otellərin bütün imkanları iştirakçılara əyanı şəkildə göstərilmişdir. Bundan başqa adı çəkilən şəhərlərdə olan turizm məkanlarına turlar təşkil edilmiş və Misirin turizm potensialı turizmçilərə təqdim olunmuşdur.
Səfər çərçivəsində Azərbaycan Turizm Assosiasiyası ilə Misir turizm agentlikləri Assosiasiyası arasında əməkdaşlıq haqqında memorandum imzalanmışdır. Bununla da iki ölkə arasındakı turizm əlaqələrinin daha da inkişaf etdirilməsinə zəmin yaranacaqdır. Tərəflər arasında gələcəkdə həm Azərbaycana həm də Misirin digər şəhərlərinə turların yenidən təşkil olunması haqqında razılıq əldə olunmuşdur.
BƏNZƏR MƏQALƏLƏR
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]
-
AZAL Laçın hava limanının nəzarət sistemi ilə təchiz edilməsinə dair müqavilə imzalayıb – FOTO
Bizim WhatsApp kanalımıza buradan abunə ola bilərsiniz Frankfurt-Maynda keçirilən nüfuzlu “Passenger Terminal Expo 2024” konfransında […]
-
Rusiyada işləyən azərbaycanlıların nəzərinə: Rus dili imtahanında dəyişikliklər olacaq
Bizim WhatsApp kanalımıza buradan abunə ola bilərsiniz Rusiya Təhsil və Elmə Nəzarət Federal Xidməti (“Rosobrnadzor”) […]