Azərbaycan sahibkarları Türkiyədə keçirilən sərgidə iştirak edir
Noyabrın 2-də Türkiyənin İstanbul şəhərində 19-cu “MÜSİAD EXPO” Ticarət Sərgisi öz işinə başlayıb.
“TÜYAP” Sərgi və Konqres Mərkəzində keçirilən “MÜSİAD EXPO 2022” sərgisində İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin (KOBİA) dəstək proqramı çərçivəsində 13 sahibkarlıq subyekti məhsul və xidmətlərini təqdim edir. Agentliyin stendində qida məhsulları, təhsil, inşaat, təmir və dizayn, logistika və broker xidmətləri, sənaye məhsulları, kənd təsərrüfatı üçün müasir həllər, ipək üzərində xüsusi texnologiya əsasında hazırlanmış rəsm əsərləri nümayiş olunur. Həmçinin, stenddə İxracın və İnvestisiyaların Təşviqi Agentliyi – AZPROMO tərəfindən Azərbaycanın investisiya və ixrac imkanlarına, bu sahədə dəstək və xidmətlərə dair məlumat verilir. KOBİA-nın stendində sahibkarlarla yanaşı, biznes assosiasiyaları da təmsil olunur.
Qeyd edək ki, “MÜSİAD EXPO 2022” sərgisi noyabrın 5-dək davam edəcək. Sərgidə 24 sahə üzrə 600-dən çox şirkət iştirak edir.
BƏNZƏR MƏQALƏLƏR
-
Bu il Bal yarmarkasında 90 tona yaxın arıçılıq məhsulu satılıb
Yarmarkada ən çox cökə balı satılıb Kənd Təsərrüfatı Nazirliyi və Azərbaycan Arıçılar Assosiasiyasının birgə təşkilatçılığı ilə […]
-
İqtisadiyyat Nazirliyinin tabeliyindəki qurumlar beynəlxalq sərgidə təmsil olunur
Oktyabrın 19-da Bakı Ekspo Mərkəzində 2-ci Azərbaycan Beynəlxalq “Qarabağın Bərpa, Yenidənqurma və İnkişafı” – “Rebuild […]
-
Sabahdan Bakıda 22-ci Respublika Sərgi-Satış Yarmarkası fəaliyyətə başlayır
Kənd Təsərrüfatı Nazirliyi və Azərbaycan Arıçılar Assosiasiyasının birgə təşkilatçılığı ilə 1 oktyabr tarixindən etibarən Nərimanov […]