Azərbaycan Həştərxanda beynəlxalq nəqliyyat forumunda təmsil olunub
Bizim WhatsApp kanalımıza buradan abunə ola bilərsiniz
Azərbaycan Həştərxanda beynəlxalq nəqliyyat forumunda təmsil olunub.
“Report” xəbər verir ki, Həştərxanda “Şimal-Cənub” beynəlxalq nəqliyyat dəhlizi – yeni konsepsiya” beynəlxalq forumu keçirilir.
Forumda Azərbaycanla yanaşı, Türkmənistan, İran, Qazaxıstan, Rusiya, eləcə də Belarus, Özbəkistan, Hindistan, Pakistan, BƏƏ və digər ölkələrdən olan 150-dən çox şirkətin nümayəndələri nəqliyyat-logistika sahəsində əməkdaşlığın perspektivləri, ilk növbədə “Şimal-Cənub” beynəlxalq nəqliyyat dəhlizinin (BND) reallaşdırılması ilə əlaqəli olan əməli məsələlərdən danışıblar.
Bu gün keçirilən dörd sessiyada ekspertlər yeni bazarlar, mal dövriyyəsi və tranzitin təmin edilməsi üzrə təşkilatların təkliflərini, eləcə də “Şimal-Cənub” nəqliyyat dəhlizinin yeni konsepsiyasını müzakirə ediblər. Şirkətlər investisiya sazişləri imzalayıblar.
Oktyabrın 26-da iştirakçılar regional müəssisələrlə tanış olacaqlar, Həştərxan limanlarını və “Lotos” Xüsusi İqtisadi Zonanı ziyarət edəcəklər.
Forumda “Şimal-Cənub” BND və Hind okeanı boyunca yerləşən dövlət və biznes strukturlarının nümayəndələri, ixrac-idxal şirkətləri, neft məhsulları, kimya, gübrə, kömür, metallar, avadanlıq, taxta-şalban, taxıl, qida məhsulları istehsalçıları, bank və maliyyə strukturları, logistik şirkətlər və Şərqin və qlobal Cənubun yeni bazarlarına satışların və yük daşımalarının artırılmasında maraqlı olan hər kəs iştirak edir.
Tədbir Həştərxan vilayəti hökuməti, “RusİranEkspo”, “Şimal-Cənub” Xəzər beynəlxalq inteqrasiya klubunun dəstəyi ilə keçirilir.
BƏNZƏR MƏQALƏLƏR
-
Azərbaycan nefti cüzi bahalaşıb
Bizim WhatsApp kanalımıza buradan abunə ola bilərsiniz Dünya bazarlarında “Azeri Light” (CIF) markalı Azərbaycan nefti […]
-
“Yüksəliş” müsabiqəsinin qabiliyyət imtahanı start götürdü
Bizim WhatsApp kanalımıza buradan abunə ola bilərsiniz Dördüncü dəfə təşkil olunan “Yüksəliş” müsabiqəsinin əyani mərhələsinin […]
-
“Məzun günü” üçün restoranlarda yer tapılmır – VİDEO
Bizim WhatsApp kanalımıza buradan abunə ola bilərsiniz “Məzun günü”nə sayılı günlər qaldığından restoranlara tələbat artıb. […]