Avro-2024: İspaniya və İtaliya 1/8 finala yüksəlib
Bakı, 25 iyun, AZƏRTAC
Almaniyada təşkil olunan futbol üzrə Avropa çempionatında növbəti oyunlar keçirilib.
AZƏRTAC xəbər verir ki, oynanılan 2 matçla B qrupunda mübarizəyə yekun vurulub.
1/8 finala vəsiqəni daha əvvəl təmin edən İspaniya millisi Albaniyanı minimal hesabla üstələyib. Yeganə qolu 13-cü dəqiqədə Ferran Torres vurub. Bununla da ispanlar qrup mərhələsini maksimum nəticə ilə başa vurublar.
Digər matçda İtaliya və Xorvatiya yığmaları üz-üzə gəlib. Hesabı 55-ci dəqiqədə xorvatiyalıların heyətində Luka Modriç açıb. İtaliya millisi yalnız əsas vaxta əlavə olunmuş 8-ci dəqiqədə bərabərlik qolunu vura bilib. Mattia Zakkaninin qolu italiyalıları məğlubiyyətdən xilas edib. Bu nəticədən sonra xallarını 4-ə çatdıran Luçano Spalettinin komandası adını pley-offa yazdırıb. Xorvatiya (2 xal) və Albaniya (1 xal) yığmaları isə Avropa çempionatında mübarizəni dayandırıb.
Qeyd edək ki, daha əvvəl Almaniya və İsveçrə milli komandaları 1/8 finala vəsiqə əldə ediblər.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]