Asiyadan Avropaya kimi bütün dünyada istehsal sektoru ilə bağlı proqnozlar pisləşir

Qlobal iqtisadiyyatdakı yavaşlama və davam edən tədarük zənciri problemləri ilə Avropada istehsal fəaliyyəti iyul ayında azalıb, Asiyada isə azalmağa davam edib.

Avrozonanın 4 ən böyük iqtisadiyyatında PMI indeksləri keçən ay daraldı. IHS Markit Avro Bölgəsi PMI indeksi iyulda 49,8 olub. Almaniyada 49,2-dən 49,3-ə, Fransada isə 49,6-dan 49,5-ə düşüb. 50 -dən aşağı dəyər sektorda daralma olduğunu göstərir.

Asiyada ən çox azalma Çin, Cənubi Koreya və Tayvanda qeydə alınıb.

Bu azalma dünya iqtisadiyyatının gedişatı ilə bağlı narahatlıqlar yaradır. BVF bu il və gələn il üçün qlobal artım proqnozlarını aşağıya doğru yenidən nəzərdən keçirib və tənəzzüllə bağlı xəbərdarlıq edib.

Rekord yüksək inflyasiya və Rusiyanın enerji təchizatını kəsəcəyi qorxusu 19 üzvlü Avrozona iqtisadiyyatını təhdid edir. S&P Qlobal iqtisadçısı Chris Williamson dedi: “Avrozonada istehsal sektoru azalır, bu da tənəzzül riskini artırır. Pandemiya dövründəki məhdudiyyətlər istisna olmaqla, yeni sifarişlər 2012-ci ildəki borc böhranından bəri ən böyük azalmadır” dedi.